十三少 (Closed)

今次同朋友過咗嚟樂富食依間 #十三少 食晚飯🤤 主打食酸菜魚同川菜🌶️🍲🍲 你係咪我哋就叫咗二人套餐試下🤓套餐分別包括有涼菜、主菜、小菜同白飯2碗。涼菜我哋揀咗酸辣土豆絲，土豆絲切得好幼細，炒得恰到好處，食落好爽身，酸酸辣辣勁開胃，作為前菜非常不錯🥰 而主菜我哋就揀咗招牌酸菜魚，勁大盤份量超勁🙈😍 酸菜魚配料有大量酸菜、萵筍、蘿蔔，魚肉已經去晒骨，超大塊啖啖肉，肉質好嫩滑又入晒味，食唔停口🤤🤤 小菜方面，我哋叫咗川式口水雞，口水雞汁酸酸辣辣做得唔錯，雞肉肉質鮮嫩，送埋飯好惹味。最後，以一道紅糖糍粑作結，炸過嘅糍粑外脆內軟好香口，食落煙煙韌韌，點埋紅糖漿食好滋味，為整餐飯畫上一個完美嘅句號。