Video
Read full review
2021-12-14
107 views
聽朋友講kura有好多清酒，現場仲有唎酒師幫你揀清酒，而且價錢合理，梗係即刻約個鍾意飲酒又飲極都唔醉嘅朋友去啦🥳去到等一時間就係揀酒🤣朋友話要dry啲嘅，辛口啲嘅，唔識飲酒嘅我乜都話好呀好呀，之後師傅就介紹幾款俾我哋，我哋揀咗佢推薦嘅第一款，一枝$368，720ml，以咁嘅餐廳嚟講，真係好抵😆買清酒仲可以加$100，加2隻新鮮鮑魚，正呀😆食到一半，枝清酒已經飲晒，我建議不如揀多枝酒，兩個人飲兩枝清酒其實都幾癲，當時我已經飲到傻傻哋，唔係好分得清兩枝酒嘅分別，不過兩枝包裝都幾靚，都係比較dry啲嘅，印象中第一枝有果香味，如果大家同我一樣唔係好識飲，就叫師傅揀啦，應該都唔會太差。飲咁多酒，梗係要食番咁多啲野先唔會咁易醉啦🤣松葉蟹肉他他全晚最鍾意嘅菜，勁好味，蟹肉好多，下面有層牛油果，好開胃，又好味又健康，係當日推介嘅菜單之一，一定要試呀😋日本海膽生和牛卷和牛係全生嘅，介意嘅朋友要留意啦，好彩朋友乜都食，我就食上面層海膽同魚子醬，仲有金箔呀，好矜貴呀，而佢就食埋層和牛😆鱈魚刺身生食鱈魚真係唔敢想像，不過店員話層皮係有微微燒過嘅，好奇之下我哋又試咗啦。口感唔會好生，都幾得意。鮑魚鮑魚勁新鮮，仲
聽朋友講kura有好多清酒，現場仲有唎酒師幫你揀清酒，而且價錢合理，梗係即刻約個鍾意飲酒又飲極都唔醉嘅朋友去啦🥳
去到等一時間就係揀酒🤣朋友話要dry啲嘅，辛口啲嘅，唔識飲酒嘅我乜都話好呀好呀，之後師傅就介紹幾款俾我哋，我哋揀咗佢推薦嘅第一款，一枝$368，720ml，以咁嘅餐廳嚟講，真係好抵😆買清酒仲可以加$100，加2隻新鮮鮑魚，正呀😆
食到一半，枝清酒已經飲晒，我建議不如揀多枝酒，兩個人飲兩枝清酒其實都幾癲，當時我已經飲到傻傻哋，唔係好分得清兩枝酒嘅分別，不過兩枝包裝都幾靚，都係比較dry啲嘅，印象中第一枝有果香味，如果大家同我一樣唔係好識飲，就叫師傅揀啦，應該都唔會太差。
飲咁多酒，梗係要食番咁多啲野先唔會咁易醉啦🤣
松葉蟹肉他他
全晚最鍾意嘅菜，勁好味，蟹肉好多，下面有層牛油果，好開胃，又好味又健康，係當日推介嘅菜單之一，一定要試呀😋
日本海膽生和牛卷
和牛係全生嘅，介意嘅朋友要留意啦，好彩朋友乜都食，我就食上面層海膽同魚子醬，仲有金箔呀，好矜貴呀，而佢就食埋層和牛😆
鱈魚刺身
生食鱈魚真係唔敢想像，不過店員話層皮係有微微燒過嘅，好奇之下我哋又試咗啦。口感唔會好生，都幾得意。
鮑魚
鮑魚勁新鮮，仲郁緊，而且都好大隻，師傅將鮑魚處理得好乾淨，燒得好彈牙，不需要太多調味料，就可以食到佢嘅鮮味。
紫蘇雞丸
紫蘇包住雞丸，之後係鐵板上燒熟，再加上醬汁，好好味，當然仲有個生雞蛋沾嚟食，正。
鐵板燒牛舌
牛舌切條，燒完之後好彈牙，食多兩件都唔會膩，下面仲鋪咗啲唔同顏色嘅海帶，幾得意。
美國頂級牛柳
因為之前叫咗和牛卷，所以呢個就試吓牛柳，要咗5成熟，估唔到咁好味，好香牛味，又同時保持鮮嫩度，推薦。
和牛蒜香炒飯
食鐵板燒好似一定要食個飯先完整，師傅都好了解我哋，最後先炒個飯俾我哋。和牛香氣十足，啲飯炒得好乾身，加埋一齊真係好正好滿意。
我哋去嘅時候冇乜人，後來坐滿人，到走嘅時候好似又得番我哋🤣兩個大胃王由頭食到落尾，真係好食得🤭又係勁開心勁滿足嘅一晚😆
Post
