鐵板超

Open Now

Now Closed

經過尖東見到午餐做緊66折，俾佢吸引到。好彩Walk in有最後兩個位，真係好好彩！坐低睇睇餐牌，有好多套餐選擇。我哋揀咗二人餐R。套餐都相當豐富，飲番杯熱茶好快就有沙律同埋前菜。海蜇好爽口，另外嘅前菜係合桃。我哋見到隔籬枱叫咗龍蝦🦞非常新鮮好吸引。我哋嘅第一道菜係鮑魚，鮑魚切片上碟。師傅本身嘅調味已經相當足夠，所以唔使另外落調味。鮑魚充滿牛油香味，當中有紫菜汁增加鮮味。之後就到我最鍾意食嘅鵝肝。鵝肝師傅煎得好香，正呀！之後就到大蝦，煎完之後都好大隻，蝦肉爽口！牛肉我哋揀咗薄燒好香口！薄燒牛肉油脂分布平均，入口好香！最後當然唔少得有炒飯，炒飯炒得粒粒分明好夠香，而且仲有熱辣辣嘅湯、甜品就係雪糕。