Video
Read full review
2023-05-01
159 views
未帶過女友食omakase 今日嚟咗尖沙咀 因為女友戒緊生冷嘢 於是搵咗間主打熱食嘅鐵板燒 omakase呢間餐廳嘅午市係6道海鮮、晚市係8道海鮮，我哋今次揀咗夜晚嚟。入到餐廳 環境十分高雅舒適浪漫 每道菜嘅擺盤同餐盤十分精美 除咗好適合情侶用餐 呢度仲有包間 可以一班人嚟食 入到去安排好上坐 師傅就會問有啲乜嘢係唔食 同跟住會想食牛定豬 畀有宗教信仰或者唔食牛嘅人選擇 首先係前菜沙律 配料同醬汁同出邊嘅沙律菜好唔同除咗基本嘅沙律菜仲有無花果士多啤梨藍莓配蒜汁 蔬菜爽口超級開胃 茶碗蒸十分精美嘅擺盤 用咗仿蛋殼嘅器皿 鮮甜嫩滑嘅蒸蛋上配上濃郁嘅龍蝦汁 下層係爽口彈牙嘅鯛魚蛋 味道同口感層次一流 加埋紫蘇花碎帶有淡淡的花香 帆立貝配紫菜先煎香帶子 再將紫菜煎脆 用紫菜包住帶點焦香外層爽脆內裏鮮嫩嘅帶子 爽甜可口法式榮螺薯蓉鮮甜肥美、煙韌彈牙嘅法式榮螺配上燒過不同軟硬程度嘅幼滑薯蓉 加埋香草牛油同凍麵包糠 味道同口感層次嘅配合 醬汁同薯蓉咸甜適中配搭得宜 四粒大大粒嘅榮螺 每一啖都係享受🥰馬友一夜干配鰹魚白粥 紫蘇葉 煎香嘅馬友外層爽脆 內裏質嫩鮮美 同綿滑嘅鰹魚白粥 一啖肉一啖粥咸鮮可口
呢間餐廳嘅午市係6道海鮮、晚市係8道海鮮，我哋今次揀咗夜晚嚟。
入到餐廳 環境十分高雅舒適浪漫 每道菜嘅擺盤同餐盤十分精美 除咗好適合情侶用餐 呢度仲有包間 可以一班人嚟食
入到去安排好上坐 師傅就會問有啲乜嘢係唔食 同跟住會想食牛定豬 畀有宗教信仰或者唔食牛嘅人選擇
首先係前菜沙律 配料同醬汁同出邊嘅沙律菜好唔同除咗基本嘅沙律菜仲有無花果士多啤梨藍莓配蒜汁 蔬菜爽口超級開胃
茶碗蒸
十分精美嘅擺盤 用咗仿蛋殼嘅器皿 鮮甜嫩滑嘅蒸蛋上配上濃郁嘅龍蝦汁 下層係爽口彈牙嘅鯛魚蛋 味道同口感層次一流 加埋紫蘇花碎帶有淡淡的花香
帆立貝配紫菜
先煎香帶子 再將紫菜煎脆 用紫菜包住帶點焦香外層爽脆內裏鮮嫩嘅帶子 爽甜可口
法式榮螺薯蓉
鮮甜肥美、煙韌彈牙嘅法式榮螺配上燒過不同軟硬程度嘅幼滑薯蓉 加埋香草牛油同凍麵包糠 味道同口感層次嘅配合 醬汁同薯蓉咸甜適中配搭得宜 四粒大大粒嘅榮螺 每一啖都係享受🥰
馬友一夜干配鰹魚白粥 紫蘇葉
煎香嘅馬友外層爽脆 內裏質嫩鮮美 同綿滑嘅鰹魚白粥 一啖肉一啖粥咸鮮可口配搭相當匹配其味無窮
白金雕立麟燒
將魚鱗以油煎炸成花狀 上層鹹香甘脆爽口 下層魚肉鮮美肉質上至下口感有層次 配搭酸菜魚汁 中日合璧 不油不膩 上面炸香嘅日本小青椒亦為整到菜式更加出彩
華蓮生蠔
華蓮生蠔喺日本好出名嘅生蠔🦪師傅話我哋兩個都好好彩開生蠔嘅時候入邊都有小寄居蟹 加埋魚子 帶出不同口感
講返生蠔 🦪大隻肉厚新鮮肥美且結實 口感獨特 富彈性有嚼勁
螢光魷魚春卷 外層皮薄香脆餡料豐富 入面有Cream cheese口感外面爽脆層次豐富 內裡魷魚鮮美彈牙 咬落去仲有鮮甜嘅汁湧出
跟住師傅拎咗龍蝦🦞同鮑魚出嚟 龍蝦同鮑魚仲係郁嘅 真係超級新鮮
鮑魚新鮮彈牙有咬勁 師傅仲細心地切開四份等女朋友易咬啲 配搭即時自製嘅鮑魚肝醬 更帶出原來鮑魚嘅鮮甜美味
先用鐵板煮熟龍蝦 用自製蝦油加入新鮮嘅蝦膏蟲草花忌廉醬炒香 既帶出龍蝦嘅鮮味 醬汁嘅配搭鹹甜適中 香飄十里
底部配上雞冠草 中和鹹味
剩低嘅龍蝦🦞會攞嚟整成麵豉湯
菠蘿配鵝肝
鵝肝先沾上麵粉 令到鵝肝不會失去過多油分而縮得太小 鵝肝入口緊實、口感棉密、味道香濃 唇齒留香 配搭白麵包中和油膩感
配上鮮甜嘅菠蘿、色彩繽紛嘅雞冠草同酸甜蘋果醋整成嘅醬 可以緩和鵝肝油膩
炒蔬菜有菇、椰菜絲、紅蘿蔔絲同泰國芽菜 口感清爽 中和返頭先嘅油膩
今次我哋兩個人嚟買咗一牛一豚肉 希望兩款菜式都食到 豚肉肉質煙靭易咬 肉汁鮮甜 配搭紫蘇蓮梅醬 酸甜得宜
牛肉係澳洲m7和牛 和牛紋理清晰可見 油脂分布平均 煎煮後牛肉嘅鮮味香濃 咀嚼時溢出香濃嘅牛肉汁
跟住就係炒飯 師傅用咗洋蔥苷旬芝麻蛋黃醬一齊炒 日本米飯香軟靭適中 配搭芝麻口感軟糯爽脆交替 洋蔥同甘筍令炒飯更色味俱佳 蛋黃醬中和炒飯嘅鹹味 呢一種味道同口感相當獨特
跟住然後就甜品環節 我哋要咗芝麻雪糕柚子味雪芭 師傅仲整咗個焦糖多士 其中一邊係用炒溶嘅砂糖整成焦糖面 多士變得香甜可口♥️ 上面仲有一球柚子雪芭 溫度嘅衝擊 口感相當特別
餐廳十分高質 無論係從環境 師傅同員工都十分細心用心 食物精緻美味 分量充足 Omakase最注重嘅同客人嘅溝通 餐廳都完全做到 所以提供嘅食物好符合我哋嘅口味🥹🥰 菜式味道都係出邊好難食到
最欣賞嘅係 佢哋好善用珍惜每一款食材 例如紫蘇花葉 係好多款食物都會出現 鮑魚肝會喺另一款菜式整成醬 能夠將食物千變萬化 除咗嗰份心意之外 仲要師傅經驗豐富同高超嘅技術先做到😉😉
Post
