新南苑私房菜火鍋鷄煲 (華僑商業中心) (Moved) New Location

一到冬天就成日都好想打邊爐、食雞煲，上星凍凍地就同男朋友試吓呢間喺旺角嘅雞煲+打邊爐放題😆雞煲調味同肉質都非常之唔錯，選用咗三黃雞，肥美而且非常之有雞味🐔食到咁上下可以加埋香脆嘅油炸鬼落去炒一炒，又幾好食🤣食完雞煲就正式開始打邊爐，先上海鮮拼盤，有海蝦、脆肉鯇、大蜆、鮑魚、聖子、生蠔，全部都大大份又新鮮🤩，食落勁鮮甜，見我男朋友咁嘴刁都話唔錯！然後仲配有一份手切牛頸脊，肥瘦適中而且好香牛味🐮之後我哋就開始食打邊爐放題，餐廳會俾幾張點菜紙，都有幾多火鍋配料可以選擇咁多款之中，我個人最推介龍躉腩、脆骨腩，呢兩款平時都比較少見，但係非常之好食，唔嗌真係走寶。丸類都唔差，尤其係墨汁墨魚丸😋 另外值得一讚嘅係，火鍋店內有大電視可以睇足球直播，一大班friend嚟打住邊爐飲住酒睇一定勁爽！