熊本牛鍋 (永勝商業中心)

Open Now

Now Closed

𓄬 熊本牛鍋推出無限時放題，由雞煲到蒸海鮮再到打邊爐，好適合一班朋友慢慢傾住偈輕鬆食！✦一坐低就開始食雞煲喇，本身係無辣度，如果嗜辣嘅可以去醬料區拎辣椒粒加落去，雞肉幾入味，肉質幾滑！✦而家去專頁打卡就會送竹籠蒸新鮮市場直送海鮮，蒸海鮮包括扇貝、鮑魚、蠔、帶子、蝦，每樣都好新鮮，其中扇貝好鮮甜，鮑魚夠彈牙，蠔味道濃郁，面頭鋪滿炒香過嘅蒜蓉粒超惹味！✦皇牌套餐包括任食頂級牛肉、牛肩胛同保濕豬豚肉，兩款牛肉都牛味濃郁，而保濕豬豚肉係好有驚喜，軟腍得嚟有豬肉嘅香味✦自助火鍋配料區有好多選擇，其中比較推介嘅有墨魚滑、水魷、黃喉、凍豆腐、冰菜✦飲品區嘅選擇都好多，除左果汁，果茶，汽水，仲有啤酒，而甜品嘅種類都唔少，特別喜歡藍莓奶凍！✦以放題嚟講，呢間嘅食物質素幾高，而店員服務態度都好好，會幫手同提點每個步驟，成晚食得好盡慶！