吞POT 雞煲火鍋.住家菜 (譽發廣場) (Closed)

我一直覺得要食高質雞煲配高質火鍋料就一定唔可以揀d任食🤣，咁先可以精細品嚐到每道火鍋料。今次去咗一間朋友一直都好想去食既「吞pot」，一入到去已經俾個環境吸引咗，落地大玻璃，22樓俯瞰哂成個旺角。可以坐係窗邊位一路食一路望。 😝一坐低店員就會拎定醬料俾我地揀定，唔洗走黎走去，仲要有9種選擇，我就必定揀芝麻醬同沙嗲醬，配搭牛肉一流！ 😋坐低冇耐，揀左重慶麻辣雞煲，就即刻上左雞煲，店員話d雞已經熟咗，可以食住先。 唔怕餓住等。 我地一路食一路點配料，叫咗個十全大寶丸，一共有5款，共十粒，呢5款真係寶，先唔講全部都係新鮮手打，仲要有芝士牛丸，蟹粉，黑松露，海膽墨魚丸同埋我最愛既鵝肝蝦丸。 樣樣都好高質。🥰 手打芝士牛丸食到舔舔脷，黑松露夠哂香，最估唔到係鵝肝配蝦丸係咁match! 入面仲要大大粒鵝肝🤩，真係自家製好好味！ 另外，打邊爐點可以冇肥牛😆，叫左碟特級美國肥牛過下癮！肥牛夠哂大碟又切得靚，滾起上黎岩岩好！