路邊煱 (Closed)

今日和同事在士瓜灣工作，同事提議打邊爐，我地決定去試這間*路邊鍋*。店內火鍋同配料選擇多，最後見到海鮮雞煲套餐，包2支飲品，價錢相宜，就叫左。醬料選擇多，可以配出不同味道。店內環境清潔。首先前菜係*胡麻冰菜*，菜爽甜，加上胡麻醬，特別醒胃雞煲，我地雖然叫少辣，但已經好入味，雞味濃同滑，好食。海鮮拼盤有多寶魚，鮑魚仔，蠔，象拔蚌，款式多又新鮮，我最鍾意係多寶魚，肉質夠滑。其他配料都很高質新鮮，我最鍾意芝士丸，芝士味香濃，岩晒我！最後仲會有甜品送，真係食到我好飽！