麵屋一鳴

Open Now

Now Closed

依家係大角咀返工，呢區嘅舊區好多美食，梗係逐間食勻。今日揀咗日式餐廳，小店經營嘅拉麵🍜。經過門口，見到食物係少有嘅雞白湯拉麵，個價錢非常吸引，竟然可以唔使60蚊，同日本價差唔多，呢個價錢係香港真係好罕有。今次叫咗豚肉叉燒拉麵，為咗試下原味，叫咗鹽味湯底。店員先奉上胡麻醬沙律，菜新鮮。拉麵嘅賣相尚可，芽菜份量多，有蔥同生洋蔥，開頭有聞到少少腥味，食落完全冇腥。個湯底清得嚟夠甜，味道足，仲有少少濃厚感，食完唔滯，個口仲有少少回咁。呢個價仲有真材實料用心製作，實在難得。