Video
Read full review
2021-07-10
910 views
最近在屋企附近多左幾間咖啡店，是日見時間幾多，就同朋友到了Sole coffee試下，朋友一向愛飲咖啡，度呢度啱晒。小店不大，只有十數坐位，幸好平日下午時段人不多，一到就有位，沒人排隊也可以安心坐耐一點了，呵呵。自己點了呢款全日早餐，要的是輕量版，雖然話輕量，但也十分豐富，只不過比起正常版少了點肉類，個人來說更合口味。雞蛋可以選炒蛋或煎蛋，個人較喜歡炒蛋，這裏亦炒得很滑，不錯呀。大啡菇多汁鮮味，薯餅香脆，煙三文魚鹹香肥美，薯餅下面是多士，很多穀物好好味，還有一大堆沙律菜，加了小蕃茄同藍莓味道更豐富，醬汁似是果醋？少少酸又帶點點甜味的，入口輕盈。最後還有至愛的牛油果，有半個之多，成熟度剛好口感好正。朋友點的牛油果多士，菜名很踏實，但實際上除了多士還有其他配菜，賣相好靚呀。牛油果多士呀～超吸引，啲牛油果醬勁多勁厚，綿綿的好正，仲有芝士真心超值，點解可以咁好味？沙律菜同上，但多了煎蘆筍，好味得黎顏色又靚，絕對適合打卡呃like。仲點了一份黑松露薯條，份量意外地大盤。薯條即叫即炸，香噴噴熱辣辣，薯條本身已經有黑松露香味，再點埋個黑松露沙律醬真係一流，一口接一口食不停呢。飲品方面自己點左熱的Ma
小店不大，只有十數坐位，幸好平日下午時段人不多，一到就有位，沒人排隊也可以安心坐耐一點了，呵呵。
自己點了呢款全日早餐，要的是輕量版，雖然話輕量，但也十分豐富，只不過比起正常版少了點肉類，個人來說更合口味。
雞蛋可以選炒蛋或煎蛋，個人較喜歡炒蛋，這裏亦炒得很滑，不錯呀。大啡菇多汁鮮味，薯餅香脆，煙三文魚鹹香肥美，薯餅下面是多士，很多穀物好好味，還有一大堆沙律菜，加了小蕃茄同藍莓味道更豐富，醬汁似是果醋？少少酸又帶點點甜味的，入口輕盈。最後還有至愛的牛油果，有半個之多，成熟度剛好口感好正。
朋友點的牛油果多士，菜名很踏實，但實際上除了多士還有其他配菜，賣相好靚呀。
牛油果多士呀～超吸引，啲牛油果醬勁多勁厚，綿綿的好正，仲有芝士真心超值，點解可以咁好味？沙律菜同上，但多了煎蘆筍，好味得黎顏色又靚，絕對適合打卡呃like。
仲點了一份黑松露薯條，份量意外地大盤。
薯條即叫即炸，香噴噴熱辣辣，薯條本身已經有黑松露香味，再點埋個黑松露沙律醬真係一流，一口接一口食不停呢。
飲品方面自己點左熱的Matcha latte，有靚靚拉花，超濃郁的抹茶味，厚身的奶泡好滑，勁好飲！
朋友點的Crunch caramel latte，呢杯係凍飲黎㗎，完全唔係加一大堆冰hea上個種，賣相又靚又唔會因為冰已變淡。
上面就係caramel啦，隨著時間慢慢溶解，每一口都變得唔同味，好得意呀。咖啡本身又香又滑，味道十分對胃，想飲靚咖啡絕對可以黎呢度！
兩個人過左成個下午傾下偈吹下水，搵到呢間休閒小店真好。
Post
