Fofo by el Willy (Closed)

一入去見到佢個bar檯同白雪雪嘅decor已經覺得好有情調，佢個燈光唔係死白同橙黃，而係好和煦，畀人感覺好cozy、乾淨、一塵不染。仲有落地玻璃望住半山，綠意盎然非常寫意。首先叫咗個黑毛豬火腿，多士好香脆，有陣馥郁嘅橄欖油香，上面有啲番茄粒粒咁相當有趣。反而個火腿就差強人意，冇咩風乾香味。脆皮乳豬就好高質啦，真係做到皮脆肉嫩。最好食係個海鮮飯，佢上面鋪咗層海苔（？）令口感好得意，個龍蝦味好rich每粒飯都入味，同埋呢個質素嚟講真係唔貴，自己一個嚟齋叫呢個飯都夠。仲有就係呢個墨魚，形狀似河粉，味道冇咩特別，可能我比較重口味所以略嫌唔夠味同唔夠煙韌。總括而言絕對值得encore，同埋依我所見呢間絕對好食過同一棟樓另一間西班牙菜，亦係個約會嘅好地方。