炑八韓烤 (黃大仙中心南館)

Open Now

Now Closed

今日去咗黃大仙探朋友，介紹左我去佢屋企附近嘅一間韓式燒烤，冇諗過呢度都有咁好食嘅韓式燒肉，今次真係食到舔舔脷！最近做嘢比較辛苦，大家都想好好慰勞下自己，就揀咗和牛肩肉套餐大快朵頤！睇佢份量咁大塊就知道月見和牛肩肉扒係呢個套餐嘅重點！薄薄一大片，剪開喺爐上輕燒幾下已經OK，切記唔好燒得太耐，唔係好易變牛肉乾！配埋附上嘅生玉子，入口更加滑嘟嘟，軟滑牛肩肉肉味香濃，唔怪得係主打！呢個套餐仲有牛舌、豬肋肉、牛小排、蔥蒜牛五花、牛胸肉、南瓜同雜菌。我特別鍾意牛小排同埋豬肋肉！牛小排油花均勻，見到都流口水！燒好後q彈得嚟帶點軟熟，非常香口。而豬肋肉帶有油脂同筋膜，咬落更爽彈，而且肉汁非常豐富，燒到微焦就最perfect!講番轉頭呢度嘅爐邊蛋，粟米芝士，同前菜都好好食，而且無限添加，海苔同泡菜都加咗四次，連包肉嘅生菜都係任添，色澤翠綠夠晒新鮮！侍應生雖然好忙成晚不停來回會幫客人加前菜或者換烤爐，但服務仍然殷勤，值得一讚！食燒肉一定要有杯凍飲，柚子梳打同紅豆沙冰都係大大杯又好飲～成個套餐同飲品都帶有聖誕氣氛嘅名字，加上餐廳夠濶落同energetic嘅氣氛，好啱一家大細或大班朋友一齊圍威喂～！