喜來稀肉 (瓊華中心) (Closed)

近幾多開多咗好多日式燒肉同韓燒店，不過唔係間間做得長，而韓國過江龍喜來稀肉可以做到咁多年，相信質素應該都一定有返咁上下。今次去咗瓊華中心果間食，入面都幾多位。餐牌裡面除咗肉，仲有好多唔同種類嘅韓式熟食，選擇都幾多。燒肉揀咗牛五花同豬護心肉。牛肉花比較薄身易熟，油花好香！而護心肉切成一條條，肉質瘦得嚟唔會燒到好韌。另外叫咗韓式海鮮大醬湯，好足料，入面竟然連蟹都有！而蟹籽紫菜飯亦都幾好食，仲比埋膠手套可以整飯團，唔錯！餐廳都相當闊佬，有自助Bar，可以自已任拎泡菜、芽菜、酸蘿蔔、新鮮生菜等等，其中喜來泡應該係新鮮自家醃，味道比較乾爽，好好食。而爐邊蛋都唔洗另外加錢，有原味同芝士味，充滿濃濃滑蛋香。整體質素唔錯，服務態度幾好，好值得推介！👍🏻