雪下覓炙

Open Now

Now Closed

近排愛上食韓牛，今晚同朋友去咗呢間高質韓牛燒肉店。環境優美舒適，坐位闊落，店員還會幫忙燒，咁就唔怕自己燒得過熟😂前菜有7碟，泡菜、蓮藕片、辣蘿蔔、大豆芽菠菜、醃蘿蔔、薯蓉、海帶絲，特別鍾意薯蓉同泡菜，好好食‼️韓牛肩肉🐮食韓燒一定要食韓牛😋大大塊嘅韓牛肩肉，油脂好豐富，肉質軟腍鬆化，肉味濃郁，加少許鹽食已經好足夠，入口即融～和牛牛柳 🐮肉質富有彈力，口感有咬勁，每一口都是濃郁的牛肉香氣，肉質鮮嫩帶肉汁。慶州黑毛豬梅肉🐷肥瘦均匀，爽口又帶點煙韌，肉嫩甘香～大蝦（2隻）🦐有手掌咁大size 大蝦，新鮮又彈牙，味道鮮甜～雪梨水冷麵🍜食完烤肉，感覺比較熱氣來一碗水冷麵最佳之選👍🏻雪梨水做湯底，入口清爽，可解油膩感。菠蘿梳打🍍西柚乳酸梳打🍹水果味梳打解渴又清新，仲有果肉，甜度適中。