Video
Read full review
2017-07-11
214 views
喺銅纙灣行行街想食炸雞，果陣5點幾，女朋友就提意食韓國嘢啦順面當食埋晚飯，都好喎，就即刻search到呢間幾好食評嘅韓國餐廳。.上到去，見好多枱都有留座牌，侍應都問我哋係咪book咗枱，當然就無啦，但係見咁早都安排到我哋坐窗口位。裝修唔錯，同時位於柏寧頓酒店一樓，感覺相當良好。.韓式料理感重，一來有六款前菜小碟送上，餐牌上有韓燒炸雞人參湯之類，既然我想食炸雞，我就見炸雞分別有汁同無汁，問下侍應可唔可以每樣一半，佢話無問題，正！於是我哋就點咗。。。1、鴛鴦炸雞2、韓式純豆腐湯3、辣炆牛肋骨4、紫菜牛肉包飯先讚一讚六小碟，每款都好好食，尤其係魚仔，黑豆同泡菜。魚仔相當入味，黑豆味道帶甜極開胃，泡菜完整而且汁濃，再配白飯一流。最好的事就係可以添食兩次。先上豆腐湯配一碗珍珠米飯，湯中除咗有豆腐之外，仲有泡菜蝦仔魷魚仔同打咗隻蛋，咁深色帶微辣嘅湯唔算太濃啱啱好，味道極之韓式。.炆牛肋骨更比我預期更豐富！雖然窩中明顯有條粗大嘅牛骨，但牛肉亦非常多而且炆得極淋，當中仲有白蘿蔔入晒味又甜又淋，食落無根，明顯有用心揀過，個汁香甜送飯一流。.然後到我心目中嘅主角出場—炸雞148蚊好大碟呀，而且有雜果沙律配
.
上到去，見好多枱都有留座牌，侍應都問我哋係咪book咗枱，當然就無啦，但係見咁早都安排到我哋坐窗口位。裝修唔錯，同時位於柏寧頓酒店一樓，感覺相當良好。.
31 views
0 likes
0 comments
韓式料理感重，一來有六款前菜小碟送上，餐牌上有韓燒炸雞人參湯之類，既然我想食炸雞，我就見炸雞分別有汁同無汁，問下侍應可唔可以每樣一半，佢話無問題，正！
於是我哋就點咗。。。
1、鴛鴦炸雞
2、韓式純豆腐湯
3、辣炆牛肋骨
4、紫菜牛肉包飯
先讚一讚六小碟，每款都好好食，尤其係魚仔，黑豆同泡菜。魚仔相當入味，黑豆味道帶甜極開胃，泡菜完整而且汁濃，再配白飯一流。最好的事就係可以添食兩次。
16 views
0 likes
0 comments
先上豆腐湯配一碗珍珠米飯，湯中除咗有豆腐之外，仲有泡菜蝦仔魷魚仔同打咗隻蛋，咁深色帶微辣嘅湯唔算太濃啱啱好，味道極之韓式。
.
10 views
0 likes
0 comments
炆牛肋骨更比我預期更豐富！雖然窩中明顯有條粗大嘅牛骨，但牛肉亦非常多而且炆得極淋，當中仲有白蘿蔔入晒味又甜又淋，食落無根，明顯有用心揀過，個汁香甜送飯一流。
.
11 views
0 likes
0 comments
然後到我心目中嘅主角出場—炸雞
148蚊好大碟呀，而且有雜果沙律配菜，應該任何人見到都會話抵! 先揀件無醬嘅雞鎚，聞落勁香！食落皮脆肉嫩！雞肉流出肉汁。超滿足！再試下有醬汁嘅雞件，原來件件都無骨架，應該係雞脾肉，因為每件肉質都唔鞋，而且雞皮係有濃濃嘅醬汁包圍之下亦能保持鬆化，極之美味。然後沙律又絕不馬虎，因為沙律醬有碎蛋，食落都充斥口腔，內裏有蘋果菠蘿青瓜等。So fresh!
.
16 views
0 likes
0 comments
最後係韓式卷物，材料有青瓜絲，甘筍絲，熟蛋，有汁牛肉，夠新鮮，飽肚之選。
整體味道韓式得嚟又啱晒香港人口味，埋單4百零蚊其實三人食都無問題，以呢個質素嚟講個人認為一d都唔貴，而且又位於銅鑼灣鬧巿嘅酒店一層。好肯定會再去。或者下次試燒肉。
Post
