JK Brother's (Moved) New Location

今次去咗一間位於觀塘既日韓餐廳，以食物質素好同份量多尼講，價錢算超值，試咗一個芝士蛋漿飯，店員服務好好咁係我面前幫我淋蛋漿同芝士並幫我撈混啲飯，睇住佢整好吸引，芝士份量超多！出面加錢都唔會有咁多芝士，而尼個飯只係五十四蚊，份量都好多，出面食肯定唔止尼個價錢，仲送埋飲品，好抵食。然後試咗個炸雞，炸粉份量剛好，啖啖肉無骨，而且炸得好食，放咗好耐都唔會淋，最後試咗個自家製360牛奶布甸，好重牛奶味，甜得尼唔膩又夠香滑，只係9蚊就有得食。個到野食平得尼份量多同高質素，簡直係平民恩物，一個飯已經可以食到好飽，配料亦都唔慳，我朋友叫咗個饅魚飯啲配料都好多種，兩個人叫咗二百蚊左右野食根本飽到食唔晒，服務好好但重點係唔收加一費用，環境好好坐得好舒服，絕對值得一試再試。