喜鍋 海鮮.點心.活刺身 蒸氣石鍋專門店 (Closed)

今期流行，流行蒸氣鍋，友人建議一齊試下呢間新開張的。地點方便，座位寬落，未座低已經聞到海鮮香味撲鼻，對於我呢個海鮮控黎講簡直雀躍。呢度蒸氣石鍋用上傳統藤織蓋，令肉汁保留在裡面，不致流失。原本打算點條東星斑，但當天已售馨，所以叫左老虎斑。呢條係黃皮老虎斑，屬深海洋類，餐廳預先為我們切片，然後清蒸上。沒有多餘的調味料下，肉質相當鮮甜，而且深海魚更嫩滑，外皮都係彈牙，係新鮮魚質的presentation.我呢個海鮮控點少得叫象拔蚌，呢隻黎自美國加州既象拔蚌size都幾大，有差不多成隻手臂咁長，清蒸已經好出個鮮味，加上粉絲索晒份鮮甜味，人生呀～最後黎埋份清蒸和牛肉片，三分鐘就可以食啦，蓋都唔使，七成熟，仲有少少血水，好鮮牛肉味，食得出係高級日本牛肉，讚呀～整體食物材料新鮮而且質素高，全程處理蒸氣鍋都係由職員負責，服務水平達酒店級，即使價格不菲但值回票價。