逸翠軒點心專門店 (Closed)

星期五之坐耐D食好D。今日咁啱經過，發現一帶有很多食肆，真係估唔到。被廣告吸引，所以就入去幫襯。從海報中以為點心都可以任食，但原來只有一籠，限定三款，有D失望。另外其醬油又要另加$10，我唔明點解店舖唔直接加入總價呢？點心即蒸，兩款餃漲卜卜，料多，好味，但九菜餃就咸咗D。再上雞煲，雞煲真係好正，辣度適中，好在店舖提供椰汁珍珠飲品，可以解吓辣。雞煲後開始火煱，店舖限定食材，以為一般貨色，原來食材都唔差：有蝦，青口，魚，不同的丸料，豬潤，牛，豬及菜等，如果唔夠，重可以問侍應攞紙再點。最後點了生麵，云吞，水餃及豬肚爽，全部都好食。特別係豬肚爽。可能始終係點心店，食物都是有保證的。