石一燒 (富多來新邨一期) (Closed)

同朋友收工之後去咗奧海城嗰邊行，行到落鐵樹街見到有間食岩石燒嘅食店，眼見人唔算多，咁就入去試吓啦！兩個人叫咗個尊上2人前，有豬有牛有羊，絕對係夠兩個人食吖！前菜有個沙律，沙律上面撒咗啲鰹魚碎，下面仲有啲芝麻醬！沙律菜新鮮爽脆，加埋啲鰹魚碎增香，成個沙律味道都好rich！前菜有三款，店員有介紹佢地分別對應咗「甜、酸、辣」三種味道。甜嘅係炸甜薯串，酸嘅係醋酸嘅蘑菇，而辣嘅係帶子裙邊，微微嘅辣加上有啲藤椒香味，確實係幾開胃！湯係櫻花蝦味噌湯，上面滿滿嘅櫻花蝦唔單止增加鮮味，更增添咗脆脆嘅口感！石板燒嘅肉有三款，分別係，英國羊西冷，同美國頂級牛小排。美國頂級牛小排，每面只要燒20秒左右就可以食，食落牛味濃，夾埋牛油嘅脂香，送飯一流。英國羊西冷食落唔會有騷味，肉質淋，先煎一煎上面層油，再煎肉，羊油香四溢，一件接一件。日本名水豬梅肉食落油脂充足，肉質鬆化，但係又唔肥膩。菇盛會有唔同嘅菇類，啲菇吸咗啲油香，都好香好juicy！兩個人食肉點可以唔啤啤佢，店員會幫手冰杯，一啖肉一啖啤酒，爽！最後嘅甜品係抹茶醬配雪尼拿雪糕。抹茶醬係自己調配嘅，可以按照自己嘅口味控制濃淡，再倒上雪糕。微苦嘅抹茶加上雪糕，有