La Postre (形點) (Closed)

今日同朋友興祝生日，去咗元朗yoho 嘅「La Postre」食晩餐！ 我哋叫咗個Set Dinner &《西班牙海鮮炒飯》， 開心share 吓！ Set Dinner for 2 Persons, 好抵食㗎， 包括有餐湯或沙律， 仲有2 個main dishes ! 是日餐湯配餐包👇餐湯味道濃郁，薯仔忌廉，質感幼滑，相當好味，沙律就十分新鮮，好fresh 吓！外觀非常討好嘅《溫泉蛋黑毛豬火腿卡邦尼意粉》，意粉口感煙韌， 配上黑毛豬火腿，充滿鹹香味道，忌廉香滑，仲有流心溫泉蛋，加埋一齊食好好味！ 《低溫慢煮牛柳伴扒大蝦》，用咗慢煮方法烹調，肉質特別幼嫩，牛味濃郁，外層煎得香脆，外脆內嫩，好味！ 配上大蝦，整體效果好夾。 用淺鍋上嘅《西班牙海鮮炒飯》，富有特色，材料相當豐富， 包括有大蝦， 青口和蜆等材料。 炒飯軟硬適中，吸收了海鮮味道， 鮮味十足，非常可口！ 叫咗兩杯餐飲，價錢仲可以upgrade特飲添！