新潮樓 (Closed)

今日星期六，去咗EMAX行outlet，行街之前去咗呢間酒樓食lunch，可叫點心，亦可叫潮州小菜，餐牌有好多選擇，樣樣都好想試，餐廳嘅所有食物都好高質，最重要係冇味精！食完之後一啲都唔口渴飲！另外，呢間酒樓同一般酒樓唔同，一般酒樓每張枱都好近，而且適合多，就自然會好嘈，但呢間酒樓嘅空間好寬闊，環境好清幽，同朋友飲茶傾偈，可以好好享受😎午巿二人餐我哋叫咗個二人餐，有點心拼盤、滷水拼盤、炒飯同一碟油菜，點心包括：奶皇包、鮮竹卷、鹹水角、蝦餃，全部點心都好高質，最鍾意係個滷水拼盤，拼盤樣樣都有啲，始終兩個人食飯，唔可以樣樣都是晒，但呢個拼盤就滿足到我所有要求😍😍，拼盤有：滷水鵝肉、鵝腸、魷魚、紅腸，全部都超級好食，鵝肉同鵝腸好香口，個炒飯份量都好大，而且好香口，係欖菜肉鬆炒飯。兩個人既話叫個二人餐，好夠食鹹蛋黃炒大蝦🍤見到餐牌有呢一款菜，忍唔住叫黎試吓，果然冇失望！啲蛋黃醬吵到好香口，入口非常鬆脆，蛋黃味冇得輸，每隻大蝦上邊都沾滿左香脆嘅蛋黃醬，大蝦好爽口，好新鮮，好正XO醬西蘭花🥦炒帶子帶子超鮮嫩，XO醬好惹味，成個餸好夠獲氣，足料又好食😋福果芋泥呢個甜品好特別，喺其他餐廳好少見到，芋泥