豪隍點心工房 (Closed)

朋友推薦之下，嚟到呢個地理位置麻麻食點心嘅地方。本身嚟到咁格攝嘅地方，個心都諗住搏一搏嘅啫，估唔到咁喜出望外。呢度嘅點心，全部即叫即蒸所以上菜嘅時候都係新鮮滾熱辣！幾好嘅係蝦餃或者燒賣呢啲係兩粒一份，我同朋友兩個人食就唔會太多搞到試唔到其他款。好貪心咁叫咗蝦餃，燒賣，牛肉球，排骨等等，總共8樣嘢！其中一樣，叫銀羅脆皮腸！本身睇個名，完全唔知佢係乜嘢。但好奇之下都係想試一試。原來佢係好似炸兩咁不過中間有蘿蔔絲，上菜仲係脆口好正！其他點心都大大件又好食。雖然呢個地方真係好偏僻，但我絕對會推薦，亦都會再嚟。