Video
Read full review
2022-11-18
621 views
📌 火五越式牛肉粉專門店 (佐敦店) - 佐敦白加士街55號其昌樓地舖🗓(18/11) 星期五 ⏰ 晚上7點左右 💈特式：今日突然想食越南粉，行過佐敦見到呢間火五，首先最吸引我嘅係佢個牛牛logo，好似以前玩zoo keeper個隻牛，見到好有親切感，之後再睇返佢另外仲有兩間分店係太子同天后。🥩🍔🌭🌮🥗🥯🥘🍲🍝🍣🥟🍤🍱食物：見到佢有d一人套餐好似幾抵，$76就有1個主食/1個小食/1杯特飲，加飯/粉亦唔洗特別加錢，我今日兩個人就叫左兩個一人套餐再外加1份小食，而家等我同大家講下越式味道先。主食 - 主食就揀左火五生牛肉湯河同火五特式鳳爪撈轉湯檬，同隔離枱散叫比對過，份量都係一樣大。d生牛肉上枱時生熟度控制得好好，浸一浸湯就做到剛熟效果，食落口好淋滑，個湯底有清香牛骨味，算係一碗高質嘅生牛肉湯河；佢個特式鳳爪就類似泰式嘅酸辣鳳爪，仲要係無骨，真係食到停唔到口。小食 - 小食就揀左越式炸蝦春卷同特式雞翼，另外散叫左一份峴港吉列炸蝦餅，套餐份量都係同menu散叫一樣多。炸蝦春卷上枱熱辣辣，size又好長，入面仲有好多蝦肉；特式雞翼係炸雞翼上面有一d蔥油蒜之類嘅toping，雞翼
🗓(18/11) 星期五 ⏰ 晚上7點左右
💈特式：今日突然想食越南粉，行過佐敦見到呢間火五，首先最吸引我嘅係佢個牛牛logo，好似以前玩zoo keeper個隻牛，見到好有親切感，之後再睇返佢另外仲有兩間分店係太子同天后。
🥩🍔🌭🌮🥗🥯🥘🍲🍝🍣🥟🍤🍱
食物：見到佢有d一人套餐好似幾抵，$76就有1個主食/1個小食/1杯特飲，加飯/粉亦唔洗特別加錢，我今日兩個人就叫左兩個一人套餐再外加1份小食，而家等我同大家講下越式味道先。
主食 - 主食就揀左火五生牛肉湯河同火五特式鳳爪撈轉湯檬，同隔離枱散叫比對過，份量都係一樣大。
d生牛肉上枱時生熟度控制得好好，浸一浸湯就做到剛熟效果，食落口好淋滑，個湯底有清香牛骨味，算係一碗高質嘅生牛肉湯河；
佢個特式鳳爪就類似泰式嘅酸辣鳳爪，仲要係無骨，真係食到停唔到口。
小食 - 小食就揀左越式炸蝦春卷同特式雞翼，另外散叫左一份峴港吉列炸蝦餅，套餐份量都係同menu散叫一樣多。
炸蝦春卷上枱熱辣辣，size又好長，入面仲有好多蝦肉；
特式雞翼係炸雞翼上面有一d蔥油蒜之類嘅toping，雞翼炸得好酥脆，雞翼尖位d骨真頭可以食埋。
炸蝦餅係越南菜中其中一款最出名嘅小食，呢間d炸蝦餅亦都做得唔錯，唔係加任何醬料都好好食，外面炸得脆，入面蝦肉就好有咬口。
☕️🍵🥤🧋🍺🍷🥃🍹🧉🍾🍶🥛
飲品 - 跟餐可以揀$19蚊或以下飲品，但佢所以特飲都係標$19，即係跟餐可以揀任何特飲，我今日就叫左1杯白桃梳打同越南三色冰。
白桃梳打就無乜特別，反而杯越南三色冰就唔錯，入面d料好有咬口，口感唔錯，亦好香椰奶味。
🍽環境：餐廳環境就少少似香港嘅米線舖咁，但衛生/整潔方面做得唔錯，比人感覺都舒服企理，餐廳兩邊係長卡位設計，枱面空間亦都足夠，差唔多係2人坐位有4人枱空間。
🤵🏻🤵🏻♀️🤵🏻♂️服務：員工服務態度都唔錯，但晚市時間都好旺場，見佢成個餐廳爆晒場只有一個樓面職員，佢又要招呼樓面，又要處理外賣，又要控制店外排隊人龍，都做到踢晒腳。
💰💸價錢：叫左兩個一人套餐再外加1個小食，埋單都只係$180，認真抵食，同埋最緊要係套餐食物嘅份量係同散叫一樣，所以叫套餐真係抵食不二之選。
🐲💬總結：我覺得呢間越式餐廳d套餐真係好抵食，仲要如果你想加飯/粉都係唔洗加錢的，食物質素亦有返咁上下，如果有朋友想食平嘅越南野，我推薦可以嚟試下。
推薦指數：❤️❤️❤️❤️❤️
火五生牛肉湯河
19 views
0 likes
0 comments
火五特式鳳爪撈轉湯檬
15 views
0 likes
0 comments
越式炸蝦春卷/特式雞翼/峴港吉列炸蝦餅
16 views
0 likes
0 comments
白桃梳打/越南三色冰
15 views
0 likes
0 comments
Post
