碗屋 (Moved) New Location

今次黎左依到食lunch,朋友一早打黎留左一張枱,因為原來都算好多人黎食,所以佢係做得好好嫁,依到都算係高格調個類先黎左依個刺身先，刺身唔算有太多款式，不過全部都非常非常之新鮮，當然唔係放題咁既質素。比較上值得推介既係依個甜蝦,帶子,同埋我好鍾意既吞拿魚刺身，甜蝦比出面既大隻,同埋非常之鮮甜，帶子都好好食,簡直食到停唔到口，最有驚喜真係依個吞拿魚刺身,真係拍得住拖羅既級數,正呀,少見有得任食呀,真係好正,其他就一般般。其餘既鐵板燒,炸物同埋火鍋等其實都唔錯不錯。全部牛肉都算做得唔錯，依個鐵板牛舌同埋牛柳粒都係推介之作,好味道,之後火鍋既牛肉都好好味,另外既驚喜就係炸芝士年糕，真係超級驚喜,炸得好好,食落又唔太膩,真係好好味嫁。