FRITES Belgium on Tap (Moved) New Location

唔知係咪自己運氣差， 食好多間好評餐廳都中伏， 見呢間咁多好評， 價位又算中上價位，所以決定來食餐好。 兩個人食， 叫左個蟹肉他他， 半公斤青口， 牛扒。 點知無樣野係正常， 可能我真係唔識食😩😩第一樣上枱的，當然係starter, crab 🦀 Tain 第一啖食落去就覺得， d 蟹肉好唔新鮮， 又未至於霉，但口感不佳，牛油果醬正常。 不過塊包幾脆👍🏽👍🏽但好油跟住就呢碟main course, 牛扒薯條，牛扒要左五成熟。 上到枱，心諗咁黑既？ 拎起，中間都紅紅地， 無overtook 既， 咬落去，唔熱的😅仲要好多肥膏， 起碼有30%以上係。 感受好差🙈好彩d 薯條係 熱辣辣的，正常水平😎最後上的青口，係我期待已久的， 可惜只能用三個字形容「細，臭，鹹」青口粒粒都好細粒， 有d 仲要無肉食， 有d 青口係臭左的， 友人中左幾隻， 我好彩， 中左2 隻姐， 最後個湯底，雖然可能佢唔預人飲， 但個青口無吸到湯底d 味， 所以飲左幾啖， 好鹹😵個sourdoughs ， 都有好多人話正， 但係佢唔係外脆內軟， 係外硬內軟🤣其實餐飯仲叫左杯，mocktail, 不過個個口味唔同，我覺得太甜