Video
Read full review
2019-09-11
77 views
聽朋友介紹灣仔開咗間又有得食 Omakase , 又有得食鐵板燒既日本料理, 今次我就襯夜晚靜靜地過黎品嚐下師傅嘅手勢食材方面好講究, 係用愛知縣蕃茄 師傅係食之前仲會同你講解個做法, 係用先用蘋果醋蕃茄再擺啲金箔喺面做成, 南瓜凍湯入口非常Creamy 跟住係用雪場蟹腳拆肉再配上蟹膏麵豉, 真係做工繁複 之後係鯖魚刺身再配啲四季紅, 好夠味唔需要配上wasabi豉油磯煮鮑魚係先用昆布湯慢煮, 再配上海膽乾做成醬, 連埋一齊口感彈身, 點埋個醬味道恰到好處, 唔會搶過鮑魚嘅味道 煮物係薑苗再上大蝦, 跟上蓮藕饅頭配搭茄子同芋頭跟住黎既就係壽司部份, 首先黎既係目張魚係面輕切幾刀更易入口再黎既係愛魚女 壽司, 入口好滑配上調味嘅壽司飯, 味道唔會太濃啱啱好 之後係胡麻醬醃油甘魚, 呢一種食法真係好特別師傅特登推介, 顧名思義係用胡麻醬生醃油甘魚, 師傅話呢種做法係參照江戶前做法, 因為工序繁複而家出面都冇乜人再做呢一種做法, 食落去嘅口感好特別首先好似濃烈既魚嘅香味, aftertaste仲有胡麻醬嘅味係你個口入面滾存, 個人推薦 👍🏻燒物係燒鮎魚, 口感相近鰻魚, 但肉質再厚身啲, 魚
食材方面好講究, 係用愛知縣蕃茄
師傅係食之前仲會同你講解個做法, 係用先用蘋果醋蕃茄再擺啲金箔喺面做成, 南瓜凍湯入口非常Creamy
跟住係用雪場蟹腳拆肉再配上蟹膏麵豉, 真係做工繁複
之後係鯖魚刺身再配啲四季紅, 好夠味唔需要配上wasabi豉油
磯煮鮑魚係先用昆布湯慢煮, 再配上海膽乾做成醬, 連埋一齊口感彈身, 點埋個醬味道恰到好處, 唔會搶過鮑魚嘅味道
煮物係薑苗再上大蝦, 跟上蓮藕饅頭配搭茄子同芋頭
跟住黎既就係壽司部份, 首先黎既係目張魚係面輕切幾刀更易入口
再黎既係愛魚女 壽司, 入口好滑配上調味嘅壽司飯, 味道唔會太濃啱啱好
之後係胡麻醬醃油甘魚, 呢一種食法真係好特別師傅特登推介, 顧名思義係用胡麻醬生醃油甘魚, 師傅話呢種做法係參照江戶前做法, 因為工序繁複而家出面都冇乜人再做呢一種做法, 食落去嘅口感好特別首先好似濃烈既魚嘅香味, aftertaste仲有胡麻醬嘅味係你個口入面滾存, 個人推薦 👍🏻
燒物係燒鮎魚, 口感相近鰻魚, 但肉質再厚身啲, 魚皮燒到脆口再上特別既檸檬汁, 令到成個感覺唔油膩
再黎既係千切魷魚真係少啲刀工都唔得, 平時食嘅魷魚最多都係幾下切落去, 食落有啲咬唔開嘅感覺, 不過千切嘅做法入口即溶, 好似係你個口入面散開哂咁
跟住係赤貝, 新鮮度十足, 仲有啲海水味, 口感彈牙
火炙北海道帆立貝, 肉身大件, 入口有口感
跟住嚟到呢間餐廳既重點推介, 熟成拖羅 做法係用醬油醃漬熟成出黎, 味道濃郁既醬油味, 口感似燒拖羅但多幾分魚油香
跟住係上湯既時間, 魚湯係用魚肉跟上草莓醬, 輕輕魚香味道清甜
最後係海膽井飯, 壽司飯特加入海膽, 味道極佳, 海膽入口即溶, 可連配紫菜兩食
仲有魚湯蛋糕做點綴
甜品方便都係當造嘅生果
哈密瓜配上梨 鮮甜多汁
Post
