Video
Read full review
2021-10-14
73 views
尖沙咀新開嘅和牛shabu shabu店～火鍋郎，喺日本有自營和牛牧場，所以牛肉高質之餘，價錢仲好合理。難怪新開無耐已經好有人氣，當晚平日去已經full booking！原條日本空運時令鮮魚($388)A5熊本黑毛和牛肩胛肉($58)A5熊本黑毛和牛沙巴當($108)蔬菜拼盤($48)岩手和牛滷肉飯($38)麻辣和牛餃($48)鬼馬手打海中蝦滑($78)廣島生蠔($68)關東壽喜燒湯底($58)餐廳每日都有幾條日本空運時令魚，餐廳經理以前做開omakase，所以對食材非常熟悉！佢會根據我哋揀嘅湯底，而推薦返最啱食嘅魚，又會教我哋點食先係最好，好professional！我哋呢晚揀咗黑曹以配搭壽喜燒湯底。我係第一次食呢隻魚，原來黑曹以油份較低，肉質較結實，所以經理建議一半刺身蘸點酸汁，帶出魚嘅鮮甜味，一半則打邊爐淥3秒，食半生熟嘅口感。成碟刺身食完之後，店員再將魚骨放在湯底熬煮15min，令湯底更加鮮香。每日供應嘅魚有限，我哋嗰晚諗多咗一陣已經有幾條魚賣晒，好誇張！和牛係呢度嘅重點，當然不能錯過！呢度嘅A5和牛全部都係來自岩手縣牛匠同熊本縣和王，除咗常見嘅肉眼、西冷、牛頸脊、牛小排之外，
原條日本空運時令鮮魚($388)
A5熊本黑毛和牛肩胛肉($58)
A5熊本黑毛和牛沙巴當($108)
蔬菜拼盤($48)
岩手和牛滷肉飯($38)
麻辣和牛餃($48)
鬼馬手打海中蝦滑($78)
廣島生蠔($68)
關東壽喜燒湯底($58)
餐廳每日都有幾條日本空運時令魚，餐廳經理以前做開omakase，所以對食材非常熟悉！佢會根據我哋揀嘅湯底，而推薦返最啱食嘅魚，又會教我哋點食先係最好，好professional！我哋呢晚揀咗黑曹以配搭壽喜燒湯底。
我係第一次食呢隻魚，原來黑曹以油份較低，肉質較結實，所以經理建議一半刺身蘸點酸汁，帶出魚嘅鮮甜味，一半則打邊爐淥3秒，食半生熟嘅口感。成碟刺身食完之後，店員再將魚骨放在湯底熬煮15min，令湯底更加鮮香。每日供應嘅魚有限，我哋嗰晚諗多咗一陣已經有幾條魚賣晒，好誇張！
和牛係呢度嘅重點，當然不能錯過！呢度嘅A5和牛全部都係來自岩手縣牛匠同熊本縣和王，除咗常見嘅肉眼、西冷、牛頸脊、牛小排之外，仲有好多少見嘅刁鑽部位，例如：坑腩肉肉眼之間嘅『兩層肉』、內腿肉下側嘅『和尚頭』、肩胛骨裡側嘅『三筋肉』等。
我哋揀咗A5熊本黑毛和牛沙巴當，係肩胛接近肋骨嘅部位，油花纖細綿密，同時肉味濃郁，入口即溶。
肩胛肉同樣油香均勻，肉味偏重，口感鮮嫩略帶嚼勁，$58抵食！
火鍋配料都頗有特色，自家製嘅麻辣和牛餃子值得一試。和牛餡料飽滿，唔單止肉味突出，仲好juicy，配上陣陣麻辣香，好惹味！
鬼馬手打海中蝦滑就係將蝦滑釀喺油炸鬼上，面頭再灑上蟹子，口感豐富！
廣島生蠔新鮮肥美，大隻飽滿。
蔬菜拼盤種類多樣化。
正常嚟打邊爐，我哋係唔會食飯嘅，不過見其他foodie介紹，一於試下岩手和牛滷肉飯，點知又真係好有驚喜喎！$38一碗，但和牛鋪得滿滿，個飯吸收牛肉嘅肉汁與油香，好香！可以留肚試下！
Post
