Video
Read full review
2017-08-23
950 views
小妹一直都好鐘意食包，閒時自己都會整下麵包／蛋糕，但比起其它花俏既甜品，都係鐘意麵包果種實在，粗糙中隱藏心思，最重要係可飽肚！如有幸食到剛出爐的麵包，其幸福感更加無法形容。呢日星期六大清早係銅記附近有野做，見到呢間新開無耐既麵包輕食店，之前在葵芳分店試過食佢既沙律／焗粉，所有食物攤出黎放係木色系櫥窗裡，望落的確相當吸引，味道亦不俗；雖在銅記閙市，但由外觀既玻璃格仔外牆，到內籠既大地色系椅桌、輕音樂、和陣陣既麵包咖啡香，令每個推門入店既人都覺得要買點什麼 吃點什麼，彷彿吃了便能將這輕鬆感覺帶走。由於需要take away／要食得方便（太多點綴會有困難）／又唔想太甜或太乾，篩選法後決定試下個Apple 'pie'（＄25）麵包外型與其它蘋果包不同，用了葉子的造型，更將葉子既紋路細心地‘雕’出，十分有心思。整個包既底用了酥皮，烤得香脆又不會只剩下‘脆皮’，咬開，中間還保留了點牛油麵包既質地，令我不禁懷疑佢既包分2次焗，才能做到不會整體起酥既‘純’酥皮效果。餡料方面當然蘋果係主角！坊間大多數的蘋果派或apple crumble都是以蘋果切粒後加肉桂等香料煮成焦糖狀，加入酥皮入爐焗成，但很多時蘋
呢日星期六大清早係銅記附近有野做，見到呢間新開無耐既麵包輕食店，之前在葵芳分店試過食佢既沙律／焗粉，所有食物攤出黎放係木色系櫥窗裡，望落的確相當吸引，味道亦不俗；雖在銅記閙市，但由外觀既玻璃格仔外牆，到內籠既大地色系椅桌、輕音樂、和陣陣既麵包咖啡香，令每個推門入店既人都覺得要買點什麼 吃點什麼，彷彿吃了便能將這輕鬆感覺帶走。
由於需要take away／要食得方便（太多點綴會有困難）／又唔想太甜或太乾，篩選法後決定試下個Apple 'pie'（＄25）
麵包外型與其它蘋果包不同，用了葉子的造型，更將葉子既紋路細心地‘雕’出，十分有心思。整個包既底用了酥皮，烤得香脆又不會只剩下‘脆皮’，咬開，中間還保留了點牛油麵包既質地，令我不禁懷疑佢既包分2次焗，才能做到不會整體起酥既‘純’酥皮效果。
餡料方面當然蘋果係主角！坊間大多數的蘋果派或apple crumble都是以蘋果切粒後加肉桂等香料煮成焦糖狀，加入酥皮入爐焗成，但很多時蘋果是呈粒狀，加熱後容易出水，所以調味需加重才能有豐富‘蘋果’味，質地才能相對稠身；但呢個蘋果包既做法係用左蘋果蓉，有效煮走水份之餘香料味能平均分佈，而且打得相當幼滑，甜酸度適中，濃稠度令蘋果蓉偏向果醬狀，不會弄濕酥皮糟塌了酥脆口感；每一啖都有酥皮配蘋果蓉，味道非常好！
下次一定要搵大半日慢活堂食，慢慢閒受悠閒氣氛～
64 views
0 likes
0 comments
$25
51 views
0 likes
0 comments
Post
