Are U Labeler

Open Now

Now Closed

之前都有黎過何文田呢頭食，覺得呢邊d餐廳成日比到驚喜，而且旺角出都可以行到過去，行幾步食好野一啲都唔過份，所以今日就約左我個fd去呢間cafe試下。入到去覺得個環境都幾好幾有feel，雖然地方唔算好大，但佈置得好有聖誕氣氛，室外都有得坐。首先黎既係卡邦尼意粉，望落已經覺得好足料，食落仲好鐘意，佢唔似好多忌廉汁既creamy，個蛋黃醬整得好好，可以黏住啲意粉，調味幾適中，除左煙肉仲有兩種菇都好香滑。然後黎香辣蒜片鮮蟹肉意粉，意粉又索晒啲汁入晒味，少少辣，口感爽口又彈牙。食過好多其他餐廳既蟹肉意粉都係用罐頭蟹肉，但食得出呢間應該用新鮮蟹肉，誠意十足。我地仲嗌左個小食，煙燻燒烤醬雞翼，煙燻味同燒烤醬既味都好濃好重，雞翼都算大隻，肉質嫩滑，係唔錯既選擇。見佢有寫字蛋糕，下次即刻想黎呢度同朋友慶祝生日。