Video
Read full review
2021-03-02
144 views
今日早收工，專登同朋友去觀塘搵嘢食，之前上網見到有人介紹哩一間新既餐廳，今日一於上去試下😋出左地鐵站之後行5分鐘就到餐廳位處嘅大廈，由於大廈無客lift既關係，我地需要搭貨lift上14樓，之後轉左直行就到啦。餐廳係行日系小清新路線，門同牆身都用左Tiffany Blue既顏色，而且有好多乾花可以打卡，我影相嘅時候都用左啲乾花做背景😆我地嚟到嘅時候餐廳已經有唔少客人，而店員拎餐牌過嚟嘅時候會介紹埋食物，當中提到我手上既餐牌暫時平日2點半到夜晚都會沿用，大家可以參考一下。今次我同朋友就揀咗一個沙律🥗、一個三文魚飯、一個甜品同埋兩杯飲品。🎈池魚大根漬沙律配柚子汁🥗哩個沙律好足料，有好多舊池魚🐟，食得出魚生同菜都好新鮮，最特別係沙律裏面仲有一啲醃蘿蔔，有少少似韓國嗰種，令個沙律嘅味道更豐富，而個柚子汁酸酸甜甜好開胃。🎈挪威三文魚配牛油炊飯梘汁哩個真係十個推介❗️❗️❗️因為真係好好味😆😆😆佢嘅挪威三文魚好大舊，魚皮煎得好香脆，魚肉油脂好重，接近入口即溶。佢嘅飯用咗珍珠米，仲要加埋一啲菇同埋碎蘿蔔一齊煮，撈埋佢個梘汁同三文魚籽一齊食好正！🎈法式多士哩個多士又係勁好食❗️❗️佢係用咗厚嘅麵包，所以食落去更
出左地鐵站之後行5分鐘就到餐廳位處嘅大廈，由於大廈無客lift既關係，我地需要搭貨lift上14樓，之後轉左直行就到啦。
餐廳係行日系小清新路線，門同牆身都用左Tiffany Blue既顏色，而且有好多乾花可以打卡，我影相嘅時候都用左啲乾花做背景😆
我地嚟到嘅時候餐廳已經有唔少客人，而店員拎餐牌過嚟嘅時候會介紹埋食物，當中提到我手上既餐牌暫時平日2點半到夜晚都會沿用，大家可以參考一下。
今次我同朋友就揀咗一個沙律🥗、一個三文魚飯、一個甜品同埋兩杯飲品。
🎈池魚大根漬沙律配柚子汁🥗
哩個沙律好足料，有好多舊池魚🐟，食得出魚生同菜都好新鮮，最特別係沙律裏面仲有一啲醃蘿蔔，有少少似韓國嗰種，令個沙律嘅味道更豐富，而個柚子汁酸酸甜甜好開胃。
8 views
0 likes
0 comments
🎈挪威三文魚配牛油炊飯梘汁
哩個真係十個推介❗️❗️❗️
因為真係好好味😆😆😆
佢嘅挪威三文魚好大舊，魚皮煎得好香脆，魚肉油脂好重，接近入口即溶。
佢嘅飯用咗珍珠米，仲要加埋一啲菇同埋碎蘿蔔一齊煮，撈埋佢個梘汁同三文魚籽一齊食好正！
8 views
0 likes
0 comments
🎈法式多士
哩個多士又係勁好食❗️❗️
佢係用咗厚嘅麵包，所以食落去更加滿足，上面仲塗左蜜糖，旁邊有cream同唔同既水果，包括士多啤梨、紅莓、藍莓🫐，佢嘅cream質地好幼滑，同出面食開嘅cream味道有啲唔同，仲有淡淡的焦糖味，多士蘸上旁邊比嘅蜜糖同cream一齊食，味道勁夾！
9 views
0 likes
0 comments
飲品方面，我哋兩個都嗌左latte。
🎈朱古力奶泡🍫
朱古力味道濃郁，而且加咗好多cream，奶味亦濃，Cream上面仲有一舊棉花糖，大家記住飲完晒杯嘢先好食棉花糖啊！
🎈士多啤梨奶泡🍓
奶泡入面有切到一粒粒嘅士多啤梨🍓，亦都加咗好多cream，飲品味道酸酸甜甜，有少少似奶昔，鍾意食士多啤梨嘅人應該會鍾意。
6 views
0 likes
0 comments
整體黎講，哩間餐廳嘅食物質素幾高，而且食得出用料新鮮，味道真係非常唔錯！如果大家黎觀塘嘅話，都真係可以試下😋
Post
