喺度做乜

Open Now

Now Closed

平日收工嚟到山林道呢間叫「喺度做乜」嘅cafe，嗌咗個二人餐（只需$408），包兩碗蕃茄薯仔湯、兩份蒜蓉包、一個頭盤、一個餐粉飯、一個主菜、同埋兩杯餐飲($34內）。套餐嘅嘢食樣樣出色👍🏻👍🏻蕃茄薯仔湯味道濃厚！鹹蛋雞翼外脆內嫩，沾滿晒鹹蛋醬，好邪惡好惹味！蟹肉蘆筍蝦黑松露意粉，意粉有非常之濃厚嘅黑松露味，用料份量十足，每一啖都食到蟹肉絲、蝦仁份量亦都冇手軟！牛扮嗌咗5成熟，切落去都冇乜血水，口感都幾嫩，配埋個紫薯蓉食，減輕一啲油膩感👍🏻👍🏻呢度細細間，行過路過容易錯過！！但入面嘅食物質素高，價錢又合理，性價比好高㗎！！大家唔好錯過啊！！