Video
Read full review
2024-09-28
522 views
今日同家姐去咗西貢一間夫妻檔cafe食嘢☺️☺️因為家姐一直都想推介我去呢間度食，因為佢之前食完念念不忘佢嘅雞翼同埋意粉😂😂佢話一定要帶我去食過就知幾好食👍🏻👍🏻👍🏻我叫咗白汁蘑菇煙肉意粉🩷🩷🩷🩷🩷呢個意粉真係食完之後覺得佢先係世一白汁蘑菇意粉👍🏻因為我平時喺出面食到啲意粉都係偏腍身，同埋冇咁爽。腍身嘅意粉可能掛汁比較多啲，但係佢呢個意粉勁有咬口之餘又爽，硬到啱啱好，又唔會太過腍身。重點係佢煮到每一條意粉都掛滿晒白汁👍🏻👍🏻再加埋佢啲煙肉炸完又炒香咗更加入味，同埋佢個蘑菇咬落都好多汁。份量就啱啱好夠胃口比較細嘅女仔食😂我呢啲太大食唔夠飽。香烤沙嗲雞翼🩷🩷🩷🩷🩷原本家姐想推薦我食另外一款招牌十里香，不過可能嗰日兩點先入到去已經賣晒，所以食吓呢款先。佢係偏向甜口嘅沙嗲醬雞翼，而且佢烤完勁多汁啲肉又滑唔會乾柴👍🏻真係想encore多一碟，但因為個全日早餐未上菜，所以食完睇吓夠唔夠飽再加單。全日早餐 🩷🩷🩷🩷呢個係一個飽肚必叫系列😂😂因為佢樣樣都有，不過就冇意粉咁驚動到我，佢個腸仔有少少香草味都幾好食，而且佢個煙肉係炸完再煎過，整得幾香口。加埋炒蛋、蕃茄仔、蘑菇粒、同埋茄汁豆，加沙律菜都幾夠飽，味
因為家姐一直都想推介我去呢間度食，因為佢之前食完念念不忘佢嘅雞翼同埋意粉😂😂佢話一定要帶我去食過就知幾好食👍🏻👍🏻👍🏻
我叫咗白汁蘑菇煙肉意粉🩷🩷🩷🩷🩷
呢個意粉真係食完之後覺得佢先係世一白汁蘑菇意粉👍🏻
因為我平時喺出面食到啲意粉都係偏腍身，同埋冇咁爽。腍身嘅意粉可能掛汁比較多啲，但係佢呢個意粉勁有咬口之餘又爽，硬到啱啱好，又唔會太過腍身。重點係佢煮到每一條意粉都掛滿晒白汁👍🏻👍🏻再加埋佢啲煙肉炸完又炒香咗更加入味，同埋佢個蘑菇咬落都好多汁。份量就啱啱好夠胃口比較細嘅女仔食😂我呢啲太大食唔夠飽。
香烤沙嗲雞翼🩷🩷🩷🩷🩷
原本家姐想推薦我食另外一款招牌十里香，不過可能嗰日兩點先入到去已經賣晒，所以食吓呢款先。佢係偏向甜口嘅沙嗲醬雞翼，而且佢烤完勁多汁啲肉又滑唔會乾柴👍🏻真係想encore多一碟，但因為個全日早餐未上菜，所以食完睇吓夠唔夠飽再加單。
全日早餐 🩷🩷🩷🩷
呢個係一個飽肚必叫系列😂😂因為佢樣樣都有，不過就冇意粉咁驚動到我，佢個腸仔有少少香草味都幾好食，而且佢個煙肉係炸完再煎過，整得幾香口。加埋炒蛋、蕃茄仔、蘑菇粒、同埋茄汁豆，加沙律菜都幾夠飽，味道就正常。佢個牛角包雖然細細地但係都好鬆脆，又夠熱辣辣。
我叫咗杯石榴汁 🩷🩷🩷🩷🩷
佢真係個味道超級石榴味，好似食緊新鮮石榴落個口度😂佢呢個石榴汁真係揀得好好👍🏻同埋佢酸酸甜甜真係好開胃
整體嚟講呢間Cafe真係好高質👍🏻👍🏻加上佢可能舖頭比較細，可能等待嘅時間有少少耐，但係等得耐先證明佢啲嘢食係新鮮即刻整保持到水準👍🏻依家香港好少呢啲小店，因為香港人返工時間比較多，所以放假要去吓呢啲小店放鬆吓嘆吓杯嘢飲享受吓生活先得🩷多得家姐👭🏻推薦
Post
