Bat Boys (Closed)

男朋友話公司附近開咗間韓國過江龍，係首爾及釜山都有分店，由OPPA主理既韓式熱狗外賣店，聽d同事講幾好味~今日趁有空就接佢食lunch，試一試啦！舖頭係尖東既一條食街度，地點都幾方便，掃街黎呢度就一流 餐牌簡單易明，show晒咁多款熱狗嘅分別，款款都望落去好邪惡好吸引😆我地總共帶咗三款嘢食，首先嚟嘅係香腸年糕串。望落好似好普通咁，但簡單嘅食物最難整得好食，好多舖頭既年糕都求其煮然後裏面唔多冧，但呢度唔知係原材料特別好定點，烤到外脆內軟糯，配上脆皮腸同最經典嘅韓國辣醬，一口一啖啱啱好我哋另外仲叫咗兩款corndog。唔好誤會啊，叫做corndog但其實入面唔係有粟米架！Corndog姐係炸熱狗，以玉米粉加麵粉整成粉糰後，薄薄包係香腸外面，炸好再係外層鋪上蔗糖，最後配上各種醬料。喺世界各地食過唔同嘅炸熱狗，我覺得呢個韓式製作方法係最好味，因為外層香口得黎帶d煙韌，粉漿又唔會好厚，無外國個d咁油膩同heavy。值得一提既係，原來舖頭既食材主要黎自韓國既自家工場，無論炸油、無添加粉糰、香腸定有機蔗糖都係黎自韓國架，岩哂我呢d為食得黎又唔想食咁多千年汁同添加劑既港女😝話明oppa主理，當然要試下