Oddies (Closed)

Oddies可謂創意芭菲嘅始祖，以前喺灣仔嗰陣已經幫襯開，雖然打卡用嘅芭菲出左唔少新味道好吸引，但今次想散叫試真啲每樣嘢嘅味道。雞蛋仔即叫即製，蛋香好夠，可惜但比較快淋，可能攤涼嘅時間不足。雲呢拿米飯布丁雞蛋仔味道較甜，個餡食得岀米漿同米粒，但味道嚟講較單調，有d似偏甜嘅原味雞蛋仔。另外叫左紅絲絨雞蛋仔，紅絲絨其實係有少少酸味嘅朱古力，個餡仲加左cream cheese，融左之後有爆漿嘅效果好正，不過d餡料放得唔太平均，邊邊嘅位置無咩餡。Oddies仲有soft serve同gelato，個人認為佢地嘅雪糕比雞蛋仔岀色，個gelato好香班蘭同椰子味，走少甜路線，有唔少牛油酥餅、合桃碎同白朱古力碎，單球已經好大杯，適合二人分享。