Dabyida Restaurant and Bar (Closed)

今日約左朋友食Lunch, 經過有間Semi-Buffer Lunch, 就決定黎試下, 位置係尖沙咀綿登徑, 環境幾舒服, 又夠靜, 岩晒同朋友邊食邊傾計..首先半自助式沙律吧, 有3-4款沙律菜, 多款醬汁, 沙律通粉, 凍肉, 仲有Tart 仔 (有三文魚, 肉碎), 外皮脆脆地, 幾好味, 同甜品蛋糕, 餐湯係紅椒蓉忌廉胡蘿蔔湯, 個湯好足料, 加埋個餐包, 剛剛好, 最怕某d餐湯係加水。主菜選擇有幾款揀, 好似菠菜卷, 牛扒, 魚柳等等, 今次就揀左黑松露燴意大利飯, 配上兩隻鵪鶉腿, 雖然細細隻, 但分量岩岩好, 肉夠鮮嫩, 飯同醬汁融合, 口感十足 。最後附送餐飲, 係呢個炎炎夏日飲返杯凍檸茶, 真係好滿足 今餐食左100蚊左右, 以食物質素同環境黎計, 都係值得一試。