Dazzling Cafe (皇室堡) (Closed)

今日收工去銅鑼灣迪卡儂買衫，估唔到咁都撞到個舊朋友，咁啱大家都得閒，去埋皇室堡逛街。經過見到dazzling cafe，記得好耐之前係尖沙哃食過一次，雖然個次食tea唔係正餐，不過都唔錯既。大家就諗住就入呢間食個飯聚聚舊。先叫左個小食，鹽酥雞拼盤 ($98)有甜不辣、鹽酥雞同花枝丸。雖然三款都係炸，但唔得過份油膩~ 鹽酥雞既炸粉唔多，調味粉既份量都啱啱好，唔會太咸。甜不辣好有嚼口，正。黑松露意大利麵 ($118)，黑松露味好濃，足料。意大利麵都彈牙既~黎得呢間cafe當然少不了甜品！叫左一份草莓繽紛冰淇淋鬆餅 ($95)，淨係個賣相已經好靚，當刻令到熱烈傾計既我地停頓，然後起筷品賞份甜品先! 3個小碗放既係士多啤梨醬，煉奶同糖漿。將三個醬都士多啤梨雪糕都加係waffle黎食，簡單係幸福既感覺！想讚下個雪糕唔會上枱就即刻溶，可以慢慢食~ 另外每人叫左一杯飲品，鮮果萄葡柚氣泡飲 ($45)，愛文芒果烏龍冰茶 ($48) 。見到芒果烏龍茶係限定，就忍唔住叫呢款，呢杯真係要讚，唔會太甜，而且芒果味同烏龍茶既味共存，唔會cover另一隻味，真心好飲！