日喜樓 (Closed)

陪同事去銅鑼灣買嘢，喜歡食上海菜的她，提議去V Point的日喜樓食晚餐，她說店內燈光明亮，座位寬敞舒適。食物又好味！我聽到都好想去食，就一齊過去食晚餐。清炒河蝦仁，河蝦晶瑩剔透，冇需其他配料就咁清炒已經鮮味又爽口。砂鍋雲吞雞半份，奶白色的湯底好鮮甜，有金華火腿的鮮和咸香味，津白林甜，半隻雞鮮嫩，侍應會為客人將雞撕開，方便進食，雲吞皮滑餡飽滿，有肉有菜有鮮味。四川擔擔麵，湯底夠濃郁，有麻醬香味，不算太辣，拉麵幼滑，掛上肉碎和湯底，都好好味！北京炒拉麵，炒得乾身夠鑊氣，拉麵加入韭黃、肉絲炒增加口感，味道調得夠味！椰汁小曼頭，即叫即炸，外脆內軟，點鍊奶味甜又有椰香味！