Video
Read full review
2023-03-30
486 views
好多朋友都推薦呢間餐廳，幾經辛苦終於book到位。店員好貼心地介紹佢哋嘅招牌菜，服務好好。勾魂叉燒5件($188)叉燒係必點嘅，食之前店員會幫我哋搽上陳皮醬，然後再用火槍燒，呢個叉燒食法有兩個，可以配上下面嘅米通一齊食，口感好豐富，叉燒肉質偏淋，好好食。脆皮炸白兔牛奶糖($138)呢道菜超級有創意，食嘅時候要小心啲，因為真係好熱。感覺上同大良炸鮮奶好相似，不過係用咗我哋香港人嘅回憶白兔牛奶糖，好香甜。腐乳流心蝦丸($198)蝦丸入面包住嘅係流心腐乳，呢個配搭真係第一次食，好新奇，而且好夾。薑米蒜香籠仔蒸蟹飯($288)估唔到呢個飯嘅份量咁大，一開已經聞到好香嘅味道，炒飯粒粒分明，而且肉蟹好大隻，食到停唔到口。大孖豉油雞半隻($248)豉油雞唔係太鹹，而且好香，肉質好滑好滑，必點推介！
好多朋友都推薦呢間餐廳，幾經辛苦終於book到位。店員好貼心地介紹佢哋嘅招牌菜，服務好好。
勾魂叉燒5件($188)
叉燒係必點嘅，食之前店員會幫我哋搽上陳皮醬，然後再用火槍燒，呢個叉燒食法有兩個，可以配上下面嘅米通一齊食，口感好豐富，叉燒肉質偏淋，好好食。
脆皮炸白兔牛奶糖($138)
呢道菜超級有創意，食嘅時候要小心啲，因為真係好熱。感覺上同大良炸鮮奶好相似，不過係用咗我哋香港人嘅回憶白兔牛奶糖，好香甜。
腐乳流心蝦丸($198)
蝦丸入面包住嘅係流心腐乳，呢個配搭真係第一次食，好新奇，而且好夾。
薑米蒜香籠仔蒸蟹飯($288)
估唔到呢個飯嘅份量咁大，一開已經聞到好香嘅味道，炒飯粒粒分明，而且肉蟹好大隻，食到停唔到口。
大孖豉油雞半隻($248)
豉油雞唔係太鹹，而且好香，肉質好滑好滑，必點推介！
Post
