逸軒

Open Now

Now Closed

食得是福，所以有時食豪小小都無咩所謂，但最緊要好食。依間中菜廳真係道道菜都好好味，擺盤又好有心思，真係色香味俱全呀！黃扒花膠魚翅：塊花膠實在太厚啦，成片骨膠原食落肚咁，黏住晒個嘴，濃湯再配魚翅，實在太好味啦！泡椒星班：睇就好辣，但食落其實唔太辣，魚肉好厚身仲煮得好嫩滑，入口啖啖肉。棗蓉恐龍：依款甜品好得意，恐龍樣加咸水角皮，但拼咗棗蓉餡料，甜度剛剛好。士多啤梨糯米糍拼生果：糯米糍皮非常煙韌，估計加咗士多啤梨汁做塊皮，所以生果味特別濃，仲可食到真士多啤梨肉，感覺好清新。