六小館

今日入去東涌探朋友，佢平時都食開好野，傾傾下就介紹呢間六小館比我地，環境好舒服，裝潢係新派一啲，簡潔舒適，仲有大大玻璃窗，見到好靚既日落睇添我地就叫六小館晚市二人套餐，做緊優惠價$668/兩位，套餐有額外附送橙汁或汽水，我地兩個都叫橙汁，一開頭就上三款前菜，分別陳醋小雲耳拌青筍、涼拌椒香棒棒豆乾、冷泡冰梅鐵棍淮山，三款都好特別，我特別鍾意冰梅淮山，口感好清爽之餘，仲灑上梅粉，少少酸酸地好開胃套餐可以揀個湯品，我地見到可以加$228升級金湯燒鮑翅，叫完一啲都無後悔，好正，因為上枱前會有職員席前再燒熱，滿滿既儀式感，而且湯底好濃郁，配埋一梳梳鮑翅，超好味另外，主菜有巴蜀燒紐西蘭頂級羊鞍架，燒得外脆內嫩，完全冇臊味私房鮑魚蝦乾小炒皇超多料又惹味，有蝦乾、大蝦、帶子、鮑魚，樣樣野都好入味，而韮菜花好嫩冇渣,加上面有少少炸魚仔，脆脆口感最後叫埋六小館燴飯，原來係蠔仔燴飯，又係超足料，一望起碼有二十幾隻蠔仔，燴飯粒粒分明吸哂汁脹卜卜，最用心既係隻碟係蠔殼形狀最後甜品係桂花糕，好清甜，好老套咁講，係橫上完美既句號呀午餐都做緊好多66折優惠，同埋$6.6加購優惠價，今日晚餐都有 $66.8加購小菜優惠