Video
Read full review
2023-03-14
81 views
放工黎到尖沙咀約會，係網上搵到呢間隱世居酒屋🏮 SAKEH食物出品有水準，食材由日本新鮮直送，又有咁多款清酒選擇，非常高質😍 經openrice book枱仲有全單88折優惠，超抵食✅ 居酒屋位於諾士佛臺附近，位置旺中帶靜，頗為隱世。地下係日式庭園🍃 行樓梯上去一樓就係餐廳~ 室內樓底好高，座位夠寬敞，好有空間感。和風佈置隨處可見，散發濃厚日式風情。雖然位置隱世，但平日放工黎到都好快坐滿人，估唔到人氣十足🔥 大家記得要book定位呀！餐廳提供多款佐酒小食﹑串燒選擇，好多雞既部分呢度都食到🐓 雞冠﹑雞腳根﹑雞尾﹑提燈等等。清酒menu都有好多款，仲附有詳細介紹添，認真細心！Sake♢ 🍶越之鶴 (720ml) $888越之鶴係無濾過原酒，旨味較重，口感豐富。雖然係中取純米大吟釀，但係味道淡雅辛口，酒味輕柔。開酒前店員比左1set酒杯我地揀，之後倒落清酒瓶，用冰水坐住❄️ 保持冰涼口感，值得一讚！前菜♢ 🦀蟹膏豆腐 $58豆腐滑溜中帶有豐富味道。三件豆腐各有特色，除左有蟹肉﹑蟹膏，仲分別配上魚子醬﹑蟹籽同綠蟹籽，好有心思。♢ 🥒日本產明太子 $98味道濃烈明太子配上青瓜，可以中和辛辣口感，第
居酒屋位於諾士佛臺附近，位置旺中帶靜，頗為隱世。地下係日式庭園🍃 行樓梯上去一樓就係餐廳~ 室內樓底好高，座位夠寬敞，好有空間感。和風佈置隨處可見，散發濃厚日式風情。雖然位置隱世，但平日放工黎到都好快坐滿人，估唔到人氣十足🔥 大家記得要book定位呀！
餐廳提供多款佐酒小食﹑串燒選擇，好多雞既部分呢度都食到🐓 雞冠﹑雞腳根﹑雞尾﹑提燈等等。清酒menu都有好多款，仲附有詳細介紹添，認真細心！Sake
♢ 🍶越之鶴 (720ml) $888
越之鶴係無濾過原酒，旨味較重，口感豐富。雖然係中取純米大吟釀，但係味道淡雅辛口，酒味輕柔。開酒前店員比左1set酒杯我地揀，之後倒落清酒瓶，用冰水坐住❄️ 保持冰涼口感，值得一讚！
前菜♢ 🦀蟹膏豆腐 $58
豆腐滑溜中帶有豐富味道。三件豆腐各有特色，除左有蟹肉﹑蟹膏，仲分別配上魚子醬﹑蟹籽同綠蟹籽，好有心思。
♢ 🥒日本產明太子 $98味道濃烈明太子配上青瓜，可以中和辛辣口感，第一次試呢個組合，唔錯~
海鮮♢ ⭐️南非鮑魚 $98
原隻鮑魚夠大隻，肉質爽口彈牙，仲貼心切開幾件，貼心方便。
♢ 🦀海膽松葉蟹蓋甲羅燒 $138蟹蓋裝滿mix好左既海膽、蟹膏同松葉蟹肉，味道濃郁，香氣十足！配上梳打餅一齊食無咁油膩。
♢ 🐠燒日本魷魚一夜干 $98高CP值之選！好多件魷魚，燒得香口，配上沙律醬更加滋味。
🍢串燒 ‧ 肉類*留意返有D串燒要兩串起落單
♢ 荔枝豚肉卷 $36最鍾意既串燒組合，清甜荔枝加上豬肉既鹹香味道，非常夾！
♢ 雞腎 $36
雞腎燒得爽脆，有咀嚼感。
♢ 雞皮紫蘇蝦卷 $58
鮮蝦剝好殼，用紫蘇葉同雞皮卷住，香口得黎又有層次感。
♢ 雞皮 $36
第一次見一片片咁炸，口感似炸魚皮~ 炸得超酥脆！
♢ 自家製免治雞肉軟骨 $55免治雞肉溝左軟骨，有咬口感，配上蛋黃醬同特製醬汁，味道更濃郁。
♢ 燒羊皮 $68好少見到有燒羊皮食！外層炸得香脆，羊皮口感入口即溶。
♢ 紐西蘭羊架 $78羊架好厚身，但肉質軟腍，呈粉紅色，配上秘製醬汁好香口，而且無咩羶味。
♢ 厚燒油揚 $28豆腐炸到好似多士咁脆口！面層灑上七味粉，辛口惹味。
主食♢ 🍚自家製清雞湯茶漬飯 $78
店員推介呢個主食~ 茶漬飯湯底用左雞湯同茶，清而甘香，加左芝麻同香蔥。
甜品♢ 🍍日本原隻水果雪葩 $98
有幾款口味可以揀 (柚子﹑桃﹑菠蘿﹑椰子)，店員推薦菠蘿賣相最IG-able，原個菠蘿送上，勁靚！雪葩質感綿滑，菠蘿味濃郁又唔會有人工味道，真係將新鮮菠蘿整成雪葩，推介必試！
Post
