胡爐 (Closed)

半放題既打邊爐比較少食，見到呢間做開高質邊爐，竟然有半放題，即刻約友人黎食。裝修擺設碗碟都好中式，好有風格。坐低後，店員會先比我地調豉油，基本既蒜，炸蒜，辣椒同蔥。二人同行有冷盤既麵包蟹送，超驚喜。麵包蟹好新鮮，好鮮甜。配埋個醋，更加好味。超正。揀左個黑白胡椒蜆乾鍋，食完店員會主動加水變打邊爐。胡椒味好濃，蜆好惹味。半放題有手打丸，牛肉同少量海鮮。個份量好足夠，又可以每樣試小小。手打丸勁高質，超推黑松露丸同蟹籽丸👍🏽正。好特別，又彈牙！都有好多其他粉面、菜，肉，海鮮都係任叫，如果想食高質小小就要加錢啦！另外就係野飲都要另外加錢！