夢 (Closed)

香港都有高質懷石料理，呢間日本料理有廚師發板、懷石料理。食物整得精緻，睇得又食得！前菜有來自德國份子料理：草莓泡沫🫧、愛緩縣無花果及北海道白粟米之後好驚喜。食物整到好似一幅畫咁，相當靚💖而家係夏天所以有summer feel嘅theme, 主題會定期變☺️ 蜜瓜火腿撻 :36個月西班牙Parma ham 及北海道夕張蜜瓜，火腿行香配蜜瓜fresh感好夾！脆明太子粟米粒，超香粟米味。紫薯百合果凍好特別、仲有豆子包住南高梅脆雲吞，脆脆地又酸酸地。之後木盒內嘅海膽殼裝住有西班牙紅蝦、海膽、蛋、魚湯。食得出海膽及紅蝦嘅鮮甜。刺身又係用晒夏日主題，好似海灘咁🏖有愛侶魚、深海池魚、帆立貝。刺身樣樣都好新鮮鮮甜！跟住到春卷皮包住松葉蟹，有柚子醋啫喱、蟹膏。外皮香脆口感入邊又有豐富餡料。好味😋再配日本黃粟米蓉🌽主菜有脆金鯛，魚皮香脆！配菜有蘆筍、蓮藕、法國手指蘿蔔等。飲完湯之後就到甜品。甜品有方塊脆餅奶凍、巨鋒提子🍇、夕張蜜瓜🍈。脆餅奶凍外皮脆脆口感，巨鋒提子已經幫你搣埋皮😍蜜瓜非常甜！呢間餐廳食物精緻，整得好靚又好味！如果係周年紀念或者生日慶祝等等都非常適合！