橘焱胡同燒肉夜食 (Closed)

今日去左有「全世界最好吃的燒肉店」之稱嘅橘焱胡同燒肉，黎試試佢有幾厲害！店鋪有6人桌、4人桌，座位寬闊，都好坐得好舒服。而且仲可以坐吧檯座位，睇住師傳燒肉！台灣個間我就冇食過，但聽聞Menu就同台灣大致相同，肉類款式好多，牛、豬、雞、羊都有！ 一黎就點左必試招牌牛舌，睇佢未燒個樣已經好吸引，牛舌佈滿蔥花及鹽，入口味濃又爽口，唔使點醬已經好夠味！另外仲叫左牛肋條，可選椒鹽、烤肉醬或蒜味，我地叫左烤肉醬，非常入味，牛亦嫩口。燒肉當然要瘋狂食牛，我地再叫左都係好受歡迎嘅骰子牛肉同牛五花，簡單來講就係我鍾意食嘅合種肉，一燒就出哂牛嘅香味，食落好鮮嫩多汁，正。豬方面就叫左熱門菜色梅花豚肩排，油脂分布均勻，雖然竟唔算大塊，但勝在都咁厚，食起黎口感都幾好。 特別推介除左肉嘅菜式，就係墨魚香腸，腸衣包住墨魚肉和墨魚漿，好有咬口，又彈牙！另外order左店員大推嘅山藥，將佢燒到焦香，食落脆脆地，再咬落就有Q度，仲拉堆絲，幾好味！再加埋野菜拼盤除了食物新鮮，唔同嘅肉質都算鮮嫩，胡同就真係Sell埋佢嘅Service。由一坐低就同你慢慢介紹菜式，推薦當日招牌菜式，食物黎到就教你唔同嘅肉要有唔同嘅燒法，極度重