Video
Read full review
2024-03-14
699 views
好多年前食過中環店，我覺得海港城呢間分店裝修靚啲，地方大啲，坐得幾舒服。今次食嘅牛肉麵同魯肉飯當然同以前一樣咁正，仲有好多新款嘢食添。招牌牛肉麵 $118呢個招牌真係掂，湯底超香濃，碗邊仲配有一嚿牛油脂，加埋舊牛油落啲湯更加香。牛腱煮得超淋，用筷子大力啲夾都會散咁，入口即化。最特別係個湯上面有好多脆脆蟲草花，兩種口感香口之餘浸落湯又有返爽滑嘅好感。招牌魯肉飯 $68魯肉飯都係招牌之一，滷肉肥美甘香，入口即溶嘅感覺，有充滿膠原嘅豬皮，肥美嘅肥膏加上一啲瘦肉，醬汁香濃，撈飯一流。伴碟嘅酸蘿蔔爽脆爽脆，中和油膩感。肉鬆皮蛋蛋餅 $78蛋餅卷住肉鬆嘅食得多，呢個有埋皮蛋都幾少有，皮蛋爽彈爽彈，肉鬆咸香咸香，但係略嫌唔夠多，如果做到爆餡咁嘅感覺再加多啲醬汁就更加好。鹹蛋黃芋泥球 $78芋泥球炸得香，外脆內綿綿，中間嘅鹹蛋黃餡唔太heavy，食多兩粒都唔會覺得滯。手工鳳梨酥麻糬蛋撻 $48呢個好好味，上枱溫熱好香，餅皮真係鳳梨酥嗰種，不過佢好香牛油味，中間蛋嘅部份滑溜溜，蛋下低就係QQ嘅麻糬，然後最下面係鳳梨餡。一口咬落去口感豐富，牛油蛋香之外仲充滿風味嘅香味。宇治抹茶牛乳 $55賣相好靚，攪勻之
招牌牛肉麵 $118
呢個招牌真係掂，湯底超香濃，碗邊仲配有一嚿牛油脂，加埋舊牛油落啲湯更加香。牛腱煮得超淋，用筷子大力啲夾都會散咁，入口即化。最特別係個湯上面有好多脆脆蟲草花，兩種口感香口之餘浸落湯又有返爽滑嘅好感。
招牌魯肉飯 $68
魯肉飯都係招牌之一，滷肉肥美甘香，入口即溶嘅感覺，有充滿膠原嘅豬皮，肥美嘅肥膏加上一啲瘦肉，醬汁香濃，撈飯一流。伴碟嘅酸蘿蔔爽脆爽脆，中和油膩感。
肉鬆皮蛋蛋餅 $78
蛋餅卷住肉鬆嘅食得多，呢個有埋皮蛋都幾少有，皮蛋爽彈爽彈，肉鬆咸香咸香，但係略嫌唔夠多，如果做到爆餡咁嘅感覺再加多啲醬汁就更加好。
鹹蛋黃芋泥球 $78
芋泥球炸得香，外脆內綿綿，中間嘅鹹蛋黃餡唔太heavy，食多兩粒都唔會覺得滯。
手工鳳梨酥麻糬蛋撻 $48
呢個好好味，上枱溫熱好香，餅皮真係鳳梨酥嗰種，不過佢好香牛油味，中間蛋嘅部份滑溜溜，蛋下低就係QQ嘅麻糬，然後最下面係鳳梨餡。一口咬落去口感豐富，牛油蛋香之外仲充滿風味嘅香味。
宇治抹茶牛乳 $55
賣相好靚，攪勻之後就係抹茶latte，有抹茶嘅甘香之餘仲有牛奶嘅香滑，好飲。
Post
