麻吉灶咖

Open Now

Now Closed

喺香港食過好多唔同嘅台灣菜，好多口味都唔太啱，早幾日放假去尖沙咀k11一出就見到呢間，裝修同餐牌都幾吸引決定入去試下食，結果意外地好食，叫左個鹽酥雞芝士蛋餅同半筋半肉牛肉麵，蛋餅好有蛋味裡面嘅鹽酥雞調味都好一流好有台灣嘅風味，而牛肉麵嘅牛肋同牛筋都好淋好入味同我喺台灣食嘅都差唔多，麵嘅湯底都有三款選擇，今次試左紅燒，我下黎我諗會試下藤椒因為好少見到香港嘅牛肉麵有呢個選擇，食緊嘅時候隔離檯有叫到一個麻婆豆腐嘅拌面，賣相都相當吸引應該係值得一試，加上呢間鋪頭嘅同事都好有禮貌由帶位到用餐嘅時候都好照顧客人嘅係要，同埋佢地都注重食物嘅要求會問客人對食物嘅意見睇得出佢地想再做好啲，而價錢黎講須然我覺得有小小偏貴但係食物係對得起個價錢，十分建議經過去試下