千里屋食堂 (Closed)

今日同屋企人去左銅鑼灣果頭，行過見到有間食日本野嘅小店，見又幾多人食，所以就入去試吓。見到都有幾多嘢食喎，主要都係食牛肉，我哋叫咗四個set ,分別係:和牛鐵板三種， 和牛壽喜燒火鍋，黑豚肉shabushabu 套餐同富士山丼。另外我哋仲加左原條鰻魚。首先，要講下個和牛鐵板三種套餐，真係好好味！個和牛好香，同好嫩，三種和牛都好好味，同配唔同調味料，真係好好味，同分量都幾多，每種和牛大概有三舊左右。而個和牛壽喜燒，個湯底好甜好濃，我個人就覺得太甜，啲菜真係好甜，但係配埋啲和牛就剛剛好。值得一齊嘅係，佢會配埋生雞蛋俾你點黎食，即刻無咁膩，同令啲牛肉食落去滑好多。個黑豚肉都好味，個shabushabu湯底都okay , 相比和牛壽喜照，佢就顯得普通，但都幾好味嘅。至於個富士山丼都唔錯，個味幾好，啲肉都好有牛味，可惜啲牛肉有少少硬。而個原條鰻魚都好出色！ 好肥味，同個味道非常好，食完又想再食，推介大家黎食啊！啲套餐仲配有味噌湯，飯，同埋漬物， 都幾多野食，我地都食到好滿足。人均消費大概$250左右，食到啲咁靚嘅和牛真係好抵啊。同埋個老闆係日本人，好正宗嘅日本菜，最鍾意食喱啲小店！