Video
Read full review
2024-07-28
420 views
陪大少去大館睇展覽，記得之前朋友仔介紹過附近有間靚view又有好味自家製Pizza嘅意大利餐廳，就趁去行展覽前食個豐富午餐Chill下啦！餐廳有室內同戶外位置，室內佈置好有歐陸風格，戶外位置感覺都好舒服得而且仲可以望到大館添。不過，由於我地冇book位，所以室內座位已經full晒，所以安排我地坐戶外區。Umm…我可以話錯有錯著，當日唔太熱，又有涼風吹下，所以係戶外食個感覺又幾 chill，而且仲可以慢慢打卡添(如果唔係大館外牆維修，我諗個view仲更加正呀)。午餐就係以四道菜，再加上飲品，我地就各叫左Pizza同Pasta做主食。先嚟兩杯餐飲凍檸檬茶。蕃茄湯，蕃茄味好濃郁，而且入口好creamy，入口酸酸甜甜，飲完即刻好開胃。沙律菜感覺非常新鮮，而且口感清脆爽口，除左有一般嘅什菜沙律、紅洋蔥之外，仲有紅菜頭葉同西瓜蘿蔔片，食材搭配都好特別，而且加埋特製嘅沙律汁，所以食落更加清新。大少嘅主菜 Quattro Formaggi Pizza，即係以四式芝士為主嘅Pizza，所以未食都已經好香芝士味。食落仲更加心心眼，熱辣辣又脆卜卜嘅餅底，軟軟又香濃嘅芝士餡料，入口勁豐富口感，真係超級好食。我
餐廳有室內同戶外位置，室內佈置好有歐陸風格，戶外位置感覺都好舒服得而且仲可以望到大館添。不過，由於我地冇book位，所以室內座位已經full晒，所以安排我地坐戶外區。Umm…我可以話錯有錯著，當日唔太熱，又有涼風吹下，所以係戶外食個感覺又幾 chill，而且仲可以慢慢打卡添(如果唔係大館外牆維修，我諗個view仲更加正呀)。
午餐就係以四道菜，再加上飲品，我地就各叫左Pizza同Pasta做主食。
先嚟兩杯餐飲凍檸檬茶。
蕃茄湯，蕃茄味好濃郁，而且入口好creamy，入口酸酸甜甜，飲完即刻好開胃。
沙律菜感覺非常新鮮，而且口感清脆爽口，除左有一般嘅什菜沙律、紅洋蔥之外，仲有紅菜頭葉同西瓜蘿蔔片，食材搭配都好特別，而且加埋特製嘅沙律汁，所以食落更加清新。
大少嘅主菜 Quattro Formaggi Pizza，即係以四式芝士為主嘅Pizza，所以未食都已經好香芝士味。食落仲更加心心眼，熱辣辣又脆卜卜嘅餅底，軟軟又香濃嘅芝士餡料，入口勁豐富口感，真係超級好食。
我嘅係 Polloe Funghi ，即係以雞肉絲忌廉為主嘅長通粉，長通粉口感軟硬適中，而個汁就加入左少少白酒同新鮮百里香一齊煮，所以更能特汁嘅香濃。忌廉汁好滑，而且能每條長通粉都能吸滿醬汁，所以食得特別滋味。
甜品方面有兩款選擇，所以我地就每樣叫一個。Tiramisu層次分明，面層次分明，口感柔軟細膩，仲有滿滿咖啡酒香令人回味無窮。Caffe Affogato 就以雲呢拿雪糕配上特濃咖啡混和後，兩者平衡得當香滑不膩，同時多了一陣濃郁芳香。
Post
