炑

Open Now

Now Closed

今次係第二次去炑，上次去食晚餐覺得幾高質素，所以今次就去試吓佢哋嘅天婦羅午市定食。今次我同朋友都揀咗玄套餐$780💫🌽北海道白粟米超級爽甜多汁，一咬落去已經係爆汁。🥒石川縣嘅白絲瓜 有紫蘇葉花、指天椒，有少少酸酸地辣辣地，食落去口感爽脆。💫北海道賴尿蝦蒸蛋 蒸蛋超級滑，入面有冬菇、雲耳、百合，上面仲有好彈牙嘅賴尿蝦。🐙北海道水八爪魚吸盤比較爽身點酸汁覺得清新、八爪魚觸鬚身口感就比較淋點wasabi豉油食比較夾。🦪北海道生蠔 配上辣蘿蔔、蔥花、酸汁，肥美又有鮮味。🐟北海道銀鱈魚 用西京麵豉醬燒，肉質油香感比較重又滑，配返蛋黃醬一齊食好夾。🦐海老蝦肉打成丸再淋上蝦頭汁好濃郁。✨江之島白魚天婦羅師傅建議用手灑上天婦羅柚子鹽，天婦羅外皮非常薄入面嘅白魚仲係好滑。🍆熊本縣嘅赤茄子非常juicy。🍚和牛滑蛋飯 和牛粒有油香，配上漬物、比較濃味嘅赤麵豉湯。🍦益力多雪糕最後食返益力多雪糕清一清味蕾。