名館 (Closed)

朋友鍾意食中菜~揀咗呢間 名館~原來以為係一間類似茶樓咁嘅餐廳~點知係另一回事~裝修得幾靚~地方幾大~主打顏色係藍色啊~~Book咗8點~但7點半就到咗~當日都幾多人食~2人枱未有~有張大枱喺度~店員就比我哋坐住嗰張大枱度飲住茶等~坐底見到menu都幾靚幾用心~我哋2個人叫咗~奧爾良雞翼釀糯米~有小小辣~味道唔錯~糯米軟硬適中~私房金黃球泡飯圖形嗰舊係飯嚟架~賣相咁靚已經想食佢~將個飯波表面炸到趣趣哋~我哋將個飯波整散咗佢~再同啲湯撈埋一齊食~湯好味~食落啲飯有啲趣卜卜~好味得嚟又有口感金銀蒜銀魚蒸娃娃菜面層放滿銀魚仔~娃娃菜好林好入味~芥末咸水角好味道~但我覺得佢層皮厚咗啲~十三香原煲牛雜朋友鍾意食牛雜~因為呢個牛雜係好羶~我唔係好食得羶...係怕羶如果鍾意食羶既人~呢個就啱晒你哋喇~甜品係冰皮草苺桃包呢個包內裏係滿滿嘅忌廉~草苺切咗一粒粒放入去~凍凍哋又甜甜哋因為今次得2個人~所以都試唔到其他菜式~仲有一樣我見10枱有9枱都有叫~下次會一班人再嚟~試晒想食嗰啲佢